Etyi palamba onohanyi onombali, konyima yetyi ova Isilayeli vayauka Elunga Enkhuhu, avehiki Pomphunda Sinai. Pomphunda oyo, Jeova alingi navo omphango, okuti mavakala elongo liae liakolela. Weveamena eveavela ovipuka aviho ankho vesukisa—omanaa opo valie, novikutu vihapu nomphangu pana ankho vapondola okukala. Inkha una ovana, vekuatesako okunoñgonoka omokonda yatyi Jeova aavelele ova Isilayeli ovitumino, nekaka liefendelo, novanene-nakwa. Popia vali, omokonda yatyi tyakolela okufuisapo etyi tupopia, nokuliola omutima, nokukala apeho ovakuatyili ku Jeova.