Ebirikwanjura Ekicweka 5
Bwanyima y’ameezi abiri Abaisraeli baherize kuraba omu Nyanja Erikutukura, bakahika aha Rushozi Sinai. Aho, Yehova akakora endagano n’Abaisraeli kuba eihanga rye ery’omutaano. Akaba abarinda kandi abaha kyona ekirikwetengyesibwa—emaanu y’okurya, ebijwaro bitarikukura, n’omwanya murungi gw’okutuuramu. Waaba ori omuzaire, hwera omwana waawe kwetegyereza ahabw’enki Yehova yaahaire Abaisraeli Ebiragiro, eihema, n’obunyamurwa. Yoreka ahabw’enki ni kikuru kuhikiiriza ebi turikuraganisa, okuguma turi abacureezi, n’okuhamira ahari Yehova obutoosha.
OMU KICWEKA EKI
EISHOMO 23
Okuraganisa Yehova
Abaisraeli bakaraganisa Ruhanga obu bateera amahema aha Rushozi Sinai.
EISHOMO 24
Tibarahamiire aha Kuraganisa Kwabo
Musa ku yaabaire agiire kwenda ebiragiro ikumi, abantu bakakora ekibi kihango.
EISHOMO 26
Entatsi Ikumi na Babiri
Yoshua na Kalebu bakaba batari nk’entatsi ezindi ikumi abaagiire kutata ensi ya Kanaani.
EISHOMO 27
Bakagomera Yehova
Koora, Dasani, Abiraamu, n’abandi bashaija 250 bakaremwa kwetegyereza enshonga nkuru ahari Yehova.