Yizilayɛma pɛle Nyevile Kɔkɔlɛ ne la, ye siane nwiɔ anzi bɛhɔdwule Saenae Boka ne anwo. Gyihova nee Yizilayɛma yɛle ngyekyeleɛ wɔ ɛkɛ ne kɛ bɛbayɛ ye maanle titili. Ɔbɔle bɛ nwo bane na ɔmaanle bɛnyianle debie biala mɔɔ bɛhyia​​—bɛnyianle mana bɛlile, bɛ tɛladeɛ antete yɛɛ bɛnyiale ɛleka kpalɛ mɔɔ bɛbadɛnla la. Saa ɛle awovolɛ a, boa ɛ ra maa ɔde deɛmɔti Gyihova vale Mɛla ne, ɛdanlɛsua ne nee ɛsɔfolilɛ ne maanle Yizilayɛma la abo. Si kɛzi ɔhyia kɛ yɛdi yɛ edwɛkɛ zo, yɛbɛlɛ yɛ nwo aze na yɛdi nɔhalɛ yɛmaa Gyihova dahuu la azo.