Israaʼeloonni Galaana Diimaa keessa erga darban jiʼa lama booda Tulluu Siinaa gaʼan. Bakka kanatti Yihowaan, Israaʼeloonni saba addaa akka isaaf taʼan isaanii wajjin kakuu gale. Eegumsa isaaniif godheera; akkasumas wanta isaan barbaachisu isaaniif guuteera, jechuunis mannaa akka nyaatan, uffanni isaanii akka hin dhumnee fi bakka balaan isaan irra hin geenye akka jiraatan godheera. Warra yoo taatan, mucaan keessan Yihowaan Israaʼelootaaf Seera, godoo qulqullaaʼaa fi sirna lubummaa kan isaaniif kenne maaliif akka taʼe akka hubatu gargaaraa. Waadaa galle eeguun, kan gad of qabnee fi Yihowaadhaaf ajajamoo taʼuun yeroo hundumaa barbaachisaa taʼuu isaa isaan yaadachiisaa.