Yo nzänä mꞌe̱fa de xki thogi yä israelita po rä mar Rojo, nuꞌu̱ bi zo̱ni ha rä tꞌo̱ho̱ Sinaí. Ha näꞌä lugaꞌä, Jeoba bi ja nꞌa rä kohi ko yä israelita, ꞌne bi huahniꞌu̱ ngu rä hnini. Durante nuꞌu̱ yä je̱ya bi ñꞌo ha rä yꞌotꞌä hai, yä israelita himbi thege yä thiza nixi yä dutu. ꞌNehe, Jeoba bi umbäbi rä maná pa dä zi. Mu̱ nuꞌi gi pe̱ꞌtsi yä bätsi, fatsꞌiꞌu̱ pa dä bädi por hanja Jeoba bi umbäbi yä israelita nꞌa rä Ley, rä tabernáculo ꞌne yä majhä. ꞌÑutuäbi por hanja xa mähyoni gä ꞌmu̱ihu̱ de rä lado Jeoba, gä kumpli mä promesahu̱ ꞌne gä ñꞌumildehu̱.