Duaran bulan kayarin binmaliw ed Ambalangan Dayat iray Israelita, akasabi rad Palandey Sinai. Ditan et akisipanan si Jehova ed saray Israelita ya gawaen to ran espisyal ya totoo to. Prinotektaan to ra tan inter toy amin ya nakaukolan da—say mana ya kanen da, kawes ya agdinmaan, tan ligtas ya lugar ya panayaman da. No sakey kan ateng, tulongan so anak mo ya natalosan to no akin ya inikdan nen Jehova iray Israelita na Ganggan, tabernakulo, tan saray saserdote. Idanet ya importante ya lanang tayon manpaabeba, gawaen tayoy im-promise tayo, tan manmatoor ed si Jehova.