Israelitasqa Puka qochanta chimpasqankumanta iskay killanman Sinaí orqoman chayarqanku. Chaypitaj Jehová Diosqa paykunawan uj tratota ruwarqa ajllakusqan llajta kanankupaj. Diosqa paykunata cuidarqa, tukuy ima necesitasqankutataj qorqa. Payqa mikhunankupaj maná nisqata, ropata ima qorqa, maypichus qhepakunankutapis willarqa. Wawasniykiman yachachiy imaraykuchus Jehová Dios israelitasman Leyta qosqanta, imapajchus yupaychana toldota ruwachisqanta, imapajchus sacerdotesta churasqanta ima. Yachachillaytaj nisqanchejta juntʼanapuni kasqanta, llampʼu sonqos kana kasqanta, Diosta kasukunapuni kasqanta ima.