Puka lamarta tsimpayanqampita ishkë killatam israelïtakunaqa Sinaï jirkaman chäriyarqan. Tsëchömi Jehoväqa akrashqan marka kayänampaq pëkunawan juk conträtuta rurarqan. Nïkurmi pëkunata cuidar manä nishqan mikïninkuna qorqan, röpankuna ushakänanta permitirqantsu, y següru sitiukunapa pusharqan. Wamrëkikuna kaptinqa, Leyta y carpa wayinta israelïtakunata Jehovä imanir qonqanta, y sacerdötikuna kanampaq imanir patsätsinqanta rikätsi. Jina änikunqantsikta cumplinantsik, humildi kanantsik y Jehoväta mana jaqirinantsik imanir precisanqanta rikätsi.