Parte 5-pica caitami yachagrinchij
Puca cuchata pasashca ishqui quilla qꞌuipaca israelitacunaca Sinaí urcumanmi chayarcacuna. Chaipimi paipajlla llajta cachun Diosca israelitacunahuan ari ninacurca. Diosca paicunamanca tucui minishtishcata cushpami cuidarca. Maná shuti micunata, maipi causanata, mana utca tucurij churanacunatapish cushpami cuidarca. Shinallataj Diosca leycunata, paipaj jatun carpa huasita, sacerdotecunatapishmi israelitacunamanca curca. Cambaj huahuacunamanca Dios imamanta chaicunata cushcata yachachi. Chashnallataj ñucanchij ari nishcata pajtachinataj cashcata, siempre humilde cana cashcata, Jehovallata cazuna valishca cashcata yachachi.
CAIMI TIYAN
LECCIÓN 23
Jehová Diosta cazunatami ari nircacuna
Israelitacunaca Sinaí urcu chaquipi cashpami Diosta cazunata ari nircacuna.
LECCIÓN 24
Ari nishcataca mana pajtachircacunachu
Diosca Moisesman 10 Mandamientocunata cungacamami israelitacunaca jatun juchata ruracurcacuna.
LECCIÓN 25
Diosta adorana jatun carpa huasi
Dioshuan ari ninacushca arcaca jatun carpa huasi ucupimi carca.
LECCIÓN 26
12 runacunami ricunaman rircacuna
Canaán llajtataca 12 runacunami ricunaman rircacuna. Pero, ¿Josuepish Calebpish imamantataj mana 10 runacuna shina huillarcacuna?
LECCIÓN 27
Diospaj contrami tucurcacuna
Coré, Datán, Abiram, shujtaj 250 runacunapish Jehová Dios agllashca Moisesta, Aarontami mana cazurcacuna.