Mar Rojota yalishcamanda ishcai quilla jipa Sinaí urcuman chayajpimi israelitacunamanga Jehová Diosca nirca: ‘Tucuicunata yali ñucapajlla cachun agllashca ninan valishca gentecunami canguichi’ nishpa. Chaimi paicunamanga maná muyuta micuchun, ropata, maipi causanatapash curca. Quiquin huahuacunata charishpaca, imamanda Jehová Dios israelitacunaman leycunata, tabernáculo nishcata, gentecunata ayudachun jaricunata agllashcatapash yachachipangui. Shinallata imata rurasha nishpapash pactachinata, humilde canata, Jehovata cazuna minishtirishcapacha cashcata intindichipangui.