Увод башо 5 дело
Дуј масек откеда накхле о Црвено Море, о Израелција ресле ки планина Синај. Адатхе о Јехова керѓа сојуз или договор е Израелцонцар те овен лескоро народо. Ов заштитинела сине е Израелцон хем дела лен сине са со ваљани ленге — мана хајбаске, шеја со на пхаравѓовена хем на пуранѓовена, хем безбедно тхан живибаске. Ако сиан родители, поможин те чхавеске те хаљол соске о Јехова денѓа е Израелцонге о закони, о свето шатори хем свештеникија. Истакнин кобор тано важно те ачхова ко лафи, те ова понизна хем секогаш те ова верна е Јеховаске.
КО АКАВА ДЕЛО
23 ЛЕКЦИЈА
О Израелција денѓе ветување е Јеховаске
О Израелција денѓе посебно ветување е Девлеске кеда сине ки планина Синај.
24 ЛЕКЦИЈА
На икерѓе адава со ветинѓе
Џикоте о Мојсеј сине те лел о деш заповедија, о Израелција керѓе бут баро грево.
26 ЛЕКЦИЈА
Дешудуј шпиоња
О Исус Навин хем о Халев разликујнена пе сине таро јавера шпиоња со дикхле и пхув Ханаан.
27 ЛЕКЦИЈА
Несаве противинѓе пе е Јеховаске
О Кореј, о Датан, о Авирон, хем јавера 250 мануша бунинѓе пе против о Мојсеј хем о Арон.