Прожыля дуй шон, сар израильтяноря пэрэжылэ через и лоли моря и авелэ каринг фартэ баро плай Синай. Котэ о Иегова стердя лэнца доӷоворо, кай вонэ тэ авэн особо народо. О Иегова фэрияс лэн и дэлас лэнди вся, со трэбуй. Дэлас лэнди манна, кай тэ хан, йда, сави на сԥирадёлас и ҭан важ о лаӷерё, кай нисо лэнца вэрыто тэ на авэл. Сар тумэндэ исин бэятцэ, погиндон лэнца, васо о Иегова дя лэ израильтянонэнди законо. Кадяжэ, состэ о Иегова стодя бари свынто катуна и стодя лэ рашан. Ԥэн лэнди, пэ скати трэбуй тэ ритярэн пэско алав, тэ на заваздэн о шэро и вся время тэ кандэн лэ Иеговас.