Pakupita miyezi miwiri kubulukira pidawambuka Aisraeli pa Bara Yakufwira, iwo aenda pa Phiri ya Sinai. Penepo Yahova acita cibverano na mbumba ya Israeli toera ikhale dzindza yakupambulika. Iye aatsidzikiza mbaapasa pyonsene pikhafuna iwo, ninga mana toera kudya, nguwo zakuti nee mbizidasakala na mbuto yakutsidzikizika toera kukhala. Khala ndimwe nyakubala, phedzani mwananu toera kubvesesa kuti thangwi yanji Yahova apasa Aisraeli Mwambo, tabhernakulu na basa ya unyantsembe. Pangani mwananu kufunika kwa kukwanirisa mafala athu, kupitiriza kukhala akucepeseka na kukhala wakukhulupirika ndzidzi onsene kuna Yahova.