Azo ti Israël asi na Hoto ti Sinaï nze use na peko ti so ala fâ Ngu-Bengba. Kâ, Jéhovah ate mbele na ala ti ga mara ti lo so ayeke nde. Lo bata ala nga lo mû na ala aye kue so ala yeke na bezoin ni, na tapande, lo mû na ala manne ti tene ala te, lo sara si bongo ti ala abuba ape nga lo mû na ala mbeni nzoni ndo. Tongana mo yeke na molenge, mû maboko na lo ti hinga ndani so Jéhovah amû na azo ti Israël Ndia, tabernacle nga so lo zia na sese kua ti aprêtre. Fa na lo ngbanga ti nyen a yeke kota ye ti ngbâ ti sara ye alingbi na tënë ti yanga ti e, ti sara terê ti e kete nga ti ngbâ be-ta-zo lakue na Jéhovah.