Setfulo Sencenye 5
Ngemuva kwetinyanga letimbili ema-Israyeli ewele Lwandle Lolubovu, aya eNtsabeni iSinayi. Nakalapho, Jehova wenta sivumelwane nawo kute abe sive sakhe lesikhetsekile. Wawavikela futsi wawanika konkhe labekudzinga, imana labekatayidla, timphahla tabo betingagugi kanye nendzawo lephephile yekuhlala. Nangabe ungumtali, sita bantfwana bakho bacondze kutsi kungani Jehova aniketa ema-Israyeli uMtsetfo, lithende lekukhontela, kanye nebaphristi. Gcizelela kubaluleka kwekugcina tetsembiso takho, kuhlale utfobekile kanye nekuhlale wetsembekile kuJehova.
LOKUKULELIKHASI
Ema-Israyeli Enta Setsembiso KuJehova
Ema-Israyeli enta setsembiso lesikhetsekile kuNkulunkulu ngesikhatsi aseNtsabeni iSinayi.
Awazange Asigcine Setsembiso
Ngesikhatsi Mosi ayolandza iMitsetfo Lelishumi, bantfu benta sono lesikhulu.
Lithende Lekukhontela
Kulelithende lelikhetsekile bekunelibhokisi lesivumelwane.
Tinhloli Letingu-12
BoJoshuwa naKhalebi bebangafani naleletinye tinhloli letingu-10 lebebahambe nato eKhenani.
Abazange Bamlalele Jehova
Khora, Dathani, Abiramu, kanye nalabanye labangu-250 labehluleka kubona kubaluleka kwaJehova.
Imbongolo YaBhalamu Iyakhuluma
Imbongolo yabona umuntfu lebekangamboni Bhalamu.
