Dua bulan sanggeus meuntasan Laut Beureum, bangsa Israil nepi di Gunung Sinai. Di ditu, Yéhuwa nyieun perjangjian, nyaéta bangsa Israil bakal jadi bangsa-Na nu istiméwa. Yéhuwa nyalindungan sarta nyadiakeun sagala pangabutuh maranéhna. Yéhuwa masihan manna jang didahar, ngajaga bajuna tetep alus, sarta ngajaga kémah tetep aman. Lamun boga budak, bantu budak Sadérék ngarti ku naon Yéhuwa masihan Hukum, tabernakel, jeung imam-imam keur bangsa Israil. Jelaskeun pentingna nyumponan jangji, rendah haté, jeung terus satia ka Yéhuwa.