ఎర్ర సముద్రం దాటిన రెండు నెలల తర్వాత, ఇశ్రాయేలీయులు సీనాయి పర్వతానికి వచ్చారు. ఇశ్రాయేలీయులు ఆయనకు ప్రత్యేక ప్రజలుగా ఉంటారని యెహోవా అక్కడ ఒక ఒప్పందం చేశాడు. ఆయన వాళ్లను కాపాడాడు, వాళ్లకు అవసరమైనవన్నీ ఇచ్చాడు. తినడానికి మన్నా ఇచ్చాడు, వాళ్ల బట్టలు పాడైపోకుండా చూసుకున్నాడు, వాళ్లు డేరాల్లో ఉంటున్నప్పుడు సురక్షితంగా ఉండేలా చూసుకున్నాడు. మీరు తల్లిదండ్రులైతే, యెహోవా ఇశ్రాయేలీయులకు ధర్మశాస్త్రాన్ని, గుడారాన్ని, యాజకుల్ని ఎందుకు ఏర్పాటు చేశాడో పిల్లలకు అర్థమయ్యేలా చెప్పండి. ఇచ్చిన మాట నిలబెట్టుకోవడం, పొగరుగా కాకుండా వినయంగా ఉండడం, యెహోవాకు ఎప్పుడూ నమ్మకంగా ఉండడం ఎంత ముఖ్యమో గుర్తుండిపోయేలా మీ పిల్లలకు చెప్పండి.