Hwane nya migima mivili Vaisrayeli na va tshatugide Yiphwa nya Gufuviye, va di vboha Gigomoni gya Sinayi. Tepo va nga ba vari avbovbo, Jehovha a di gira pwanano ni Vaisrayeli nya gu va khala litigo laye nya guhathege. A di va vhikeya ni gu va ninga satshavbo va nga ba va si vbweta — a va ninga maná gasi va hodza, a va ninga sombo nyo ambale nya mba hagala ni wulanga nya wadi nyo khale. Wo ba uri muvelegi, phasa gyanana gyago gu pwisisa gu khigyo khu ginani Jehovha a nga va ninga Nayo Vaisrayeli, ni tabhernakeli, ni vapristi. Tshingisa ngudzu lisima nya gu hi gira esi hi tumbisago, hi dzi nogisa ni gu tumbega ga Jehovha tepo yatshavbo.