Mazgu Ghakwamba gha Chigaŵa 5
Pakati pajumpha myezi yiŵiri, ŵakati ŵambuka Nyanja Yiswesi, Ŵaisrayeli ŵakafika pa Phiri la Sinayi. Penepara, Yehova wakachita phangano na Ŵaisrayeli kuti ŵaŵenge mtundu wake wapadera. Wakaŵavikiliranga na kuŵapa vyakukhumbikwa—mana kuti ŵaryenge, vyakuvwara ivyo vikamara yayi, na malo ghakuvikilirika. Usange ndimwe mupapi, movwirani mwana winu kumanya chifukwa icho Yehova wakaŵapira Ŵaisrayeli Dango, chihema, na ŵasembe. Didimizganipo pa uwemi wa kuchita ivyo tayowoya, kuŵa ŵakujiyuyura, na kuŵa ŵakugomezgeka kwa Yehova nyengo zose.
MU CHIGAŴA ICHI
Ŵakalayizga Yehova
Ŵaisrayeli ŵakachita layizgo lapadera na Chiuta apo ŵakaŵa pa Phiri la Sinayi.
Ŵakachita Yayi Ivyo Ŵakalayizga Yehova
Apo Mozesi wakatoranga malango 10, ŵanthu ŵakachita zakwananga zikuru chomene.
Chihema Chakusoperapo
Mu chihema chapadera ichi mukakhalanga bokosi la phangano.
Mphachi 12
Joshuwa na Kalebi ŵakayowoya vyakupambana na ŵanalume 10 awo ŵakalutira lumoza kukendera charu cha Kenani.
Ŵakagalukira Yehova
Kora, Datani, Abiramu, na ŵanyake 250 ŵakatondeka kumanya kuzirwa kwa fundo za Yehova.
Mbunda ya Balamu Yikayowoya
Mbunda yikawona munthu munyake uyo Balamu wakamuwonanga yayi.
