E piti avaˈe i muri aˈe i tei tupu i te miti Uteute, ua haere to Iseraela i te mouˈa Sinai. I reira Iehova i faatupu ai i te hoê faaauraa e o Iseraela ia riro ratou ei nunaa taa ê no ˈna. Ua paruru oia ia ratou e ua horoa ˈtu i te mau mea atoa e titauhia no te ora maitai: te mâna no te tamaa, te ahu o te ore e mutumutu e te hoê vahi papu. E metua anei oe? A tauturu i ta oe tamarii ia taa e no te aha Iehova i horoa ˈi ia Iseraela i ta ˈna Ture, i te sekene e i te autahuˈaraa. A haapapu atu e mea faufaa ia tapea i ta tatou i euhe, ia faatupu i te haehaa e ia vai taiva ore noa ia Iehova.