Noke yoku pita olosãi vivali tunde eci va Isareli va yoka Okalunga Kakusuka, ovo va pitĩla Komunda Sinai. Komunda yaco, Yehova wa linga lavo ocisila cimue oco va linge epata limue lilikasi. Eye wa va popela kuenda wa eca kokuavo ovina viosi va sukilile ndeci, omana oco va lie, uwalo okuti ka wa puile, kuenda ocitumãlo cimue ca koka oco va kalemo. Nda ove unjali, kuatisa omõlove oku kuata elomboloko lieci Yehova a ecela ku va Isareli ocihandeleko, otavernakulu kuenda ovitunda. Lombolola esilivilo lioku tẽlisa ohuminyo yetu, oku amamako oku kala ambombe, kuenda oku pokola ku Yehova olonjanja viosi.