Paglabay hin duha ka bulan tikang han nakatabok an mga Israelita ha Dagat nga Pula, nakaabot hira ha Bukid Sinai. Didto, naghimo hi Jehova hin kasabotan ha Israel nga iya hira magigin espesyal nga nasud. Ginproteksyonan niya hira ngan gintaganahan han tanan nira nga panginahanglan​—pagkaon nga manna, diri nadadaan nga bado, ngan talwas nga urukyan. Kon usa ka nga kag-anak, buligi an imo anak nga masabtan kon kay ano nga iginhatag ni Jehova ha mga Israelita an Balaud, an tabernakulo, ngan an pagin saserdote. Pabug-ati nga importante an pagtuman han aton saad, pagpabilin nga mapainubsanon, ngan pagin maunungon pirme kan Jehova.