Pali pamasile miyesi jiŵili cijombocele Nyasa Jecejewu, Ayisalayeli ŵayice ku Litumbi lya Sinayi. Ali kweleku, Yehofa ŵatesile cilangano ni Ayisalayeli cakuti caciŵa mtundu wakwe wapajika. Yehofa ŵacenjelaga soni kwapa cilicose caŵasosecelaga. Jwalakwe ŵapaga mana kuti alyeje, ŵatendekasisyesoni kuti yakuwala yawo yikamalaga, soni ŵapaga malo gambone kutaŵa masaka gawo. Naga ali nangolo, amkamucisye mwanace jwawo kupikanicisya ligongo lyakwe Yehofa ŵapele Ayisalayeli Cilamusi, citenti cakulambilila, soni ŵambopesi. Agombelecesye kusosekwa kwakutenda yindu mwakamulana ni yilanga yetu, kwendelecela kuŵa jwakulinandiya, soni kuŵa ŵakulupicika kwa Yehofa ndaŵi syosope.