Dos meses tsʼoʼokok u kʼáatmáanskoʼob le Chak Kʼáaʼnáaboʼ, le israelitaʼoboʼ kʼuchoʼob aktáan tiʼ u puʼukil Sinaí. Teʼeloʼ Jéeobaeʼ tu beetaj junpʼéel pacto tu yéeteloʼob utiaʼal ka u beetubaʼob junpʼéel kaaj yéeyaʼan. Letiʼeʼ tu kanáantoʼob yéetel tu tsʼáaj tuláakal baʼax kʼaʼabéettiʼob: junpʼéel maʼalob lugar utiaʼal u kajtaloʼob, maná utiaʼal u jaantoʼob yéetel maʼ laʼab u nookʼoʼobiʼ. Wa yaan a paalaleʼ, áant u yiloʼob baʼaxten Jéeobaeʼ tu tsʼáaj tiʼ le israelitaʼob le Leyoʼ, le tabernaculooʼ bey xan le sacerdoteʼoboʼ. Eʼes baʼaxten unaj u beetik máak le baʼax ku prometertikoʼ, u yeʼesik mantatsʼ kabal óolal yéetel u chúukpajal u yóol tiʼ Jéeoba.