Chupa beeu despué de gudiʼdiʼ ca israelita nisadóʼ Xiñáʼ que la? yendacaʼ lu dani Sinaí. Raqué biʼniné Jiobá laacaʼ ti pactu para gácacaʼ ti guidxi especial para laa. Gupa Jiobá laacabe ne bidii guiráʼ ni iquiiñecabe: maná para gócabe, lari ni qué riuxe ne ti lugar ra zanda cuézacabe. Pa nápaluʼ xiiñiluʼ, gucané laacabe guiénecabe xiñee bidii Jiobá Ley ca israelita, tabernáculo que ne gulibe caadxi israelita para gácacaʼ sacerdote. Bisiene laabe xiñee risaca guni cumplirnu ca promesa stinu, gácanu humilde ne cadi guixélenu de Jiobá.