Fã 6 ɔ Nya Blimi Munyu
Benɛ Israel bi ɔmɛ ya su Si Womi Zugba a nɔ ɔ, he nɛ a ma kpe he bo tsu ɔ ngɛ ɔ ji he nɛ a jaa Mawu ngɛ. Osɔfohi tsɔɔ nihi Mlaa a, nɛ kojoli hyɛɔ ma a nɔ. Munyuhi nɛ ngɛ fã nɛ ɔ mi ɔ tsɔɔ bɔ nɛ ke nɔ ko mwɔ e yi mi kpɔ, aloo e pee nɔ́ ko ɔ, e ma nyɛ maa ye ni kpahi awi aloo a ma ná he se ha. E sa nɛ Israel no fɛɛ Israel no nɛ e ye Yehowa kɛ e nyɛmi nɔmlɔ anɔkuale. Moo tsɔɔ bɔ nɛ nɔ hyɛmi nɔ́ kpakpa nɛ Dɛbora, Naomi, Yoshua, Hana, Yɛfta biyo ɔ kɛ Samuɛl pee ɔ ye bua ni kpahi ha. Moo ma nɔ mi kaa, Gibiɔn bi ɔmɛ, kɛ ni komɛ hu kaa Rahab, Rut, kɛ Yaɛl pi Israel bimɛ, se a kɛ a he ya bɔ Israel bi ɔmɛ ejakaa a na kaa Mawu kɛ mɛ ngɛ.
NGƐ FA NƐ Ɔ
Yehowa Hla Yoshua
Mawu ha Yoshua blɔ tsɔɔmihi nɛ ma nyɛ maa ye bua wɔ hu mwɔnɛ ɔ.
Rahab Ngɔ Slaali Ɔmɛ Kɛ Laa
Yeriko gbogbo ɔmɛ hule. Se Rahab we ɔ lɛɛ e hule we, e ngɛ mi kaa a ma e we ɔ ngɛ gbogbo ɔ nɔ.
Yoshua Kɛ Gibiɔn Bi Ɔmɛ
Yoshua sɔle ha Mawu ke: ‘Pu, moo da si!’ Anɛ Mawu ha heto lo?
Hɛ Mi Nyɛɛlɔ He Kɛ Yi Katsɛmɛ Enyɔ
Benɛ Yoshua gbo se ɔ, Israel bi ɔmɛ bɔni amaga jami. Níhi a mi ba wa ha mɛ, se Yehowa gu Kojolɔ Barak, kɛ gbalɔyo Dɛbora, kɛ Yaɛl kɛ e bo tsu plɛɛko ɔ nɔ kɛ ye bua mɛ!
Rut Kɛ Naomi
Yihi enyɔ nɛ a hunomɛ gbo kpale kɛ ho Israel ya. A kpɛti nɔ kake nɛ a tsɛɛ lɛ ke Rut ɔ ya tsu ní ngɛ Boaz ngmɔ mi nɛ Boaz bua jɔ e he.
Gideon Ye Midian Nɔ Kunimi
Benɛ Midian bi ɔmɛ hao Israel bi ɔmɛ hluu ɔ, Israel bi ɔmɛ kpa Yehowa pɛɛ konɛ e ye bua mɛ. Kɛ Gidiɔn ta buli nɛ a he pi ɔ plɛ kɛ ye a he nyɛli nɛ a yibɔ ji 135,000 ɔ nɔ ha kɛɛ?
Hana Sɔle Konɛ E Fɔ Binyumu
Ɛlkana kɛ Hana, kɛ Penina, kɛ e bimɛ ɔmɛ ya ja Mawu ngɛ kpe he bo tsu ɔ ngɛ Shilo. Hana sɔle ngɛ sɔlemi we ɔ kaa Mawu nɛ ha lɛ binyumu. Jeha kake se nɛ a fɔ Samuɛl!
Yefta Wo Mawu Si
Mɛni Yefta wo si kaa e maa pee, nɛ mɛni he je? Kɛ Yefta biyo ɔ pee e ní ngɛ e tsɛ ɔ si womi ɔ he ha kɛɛ?
Yehowa Kɛ Samuɛl Tu Munyu
Osɔfo Nɔkɔtɔma Eli binyumuhi enyɔ sɔmɛ ngɛ sɔlemi we ɔ, se a yi Mawu mlaa amɛ a nɔ. Samuɛl ngɛ slɔɔto ngɛ a he, nɛ Yehowa kɛ lɛ tu munyu.
Yehowa Ha Samsin He Wami
Mawu ha nɛ Samson ná he wami slɔɔto konɛ e kɛ ye Filisti bi ɔmɛ a nɔ kunimi, se Samsin pee juɛmi ko nɛ dɛ, nɛ a Filisti bi ɔmɛ nu lɛ.
