Sección 6, ¿kuna toqetsa parli?
Israelitanakajj Suma Oraqer purjjapjjänwa, tabernaculonwa Diosar adorapjjarakïna. Sacerdotenakaw leyinak yatichapjjäna, juezanakaw mark apnaqapjjarakïna. Aka seccionanjja, kunjamsa maynin suma luratapajj yaqhanakar yanaptʼaspa uk yateqañäni. Israelitanakajj sapa mayniw Jehová Diosar sum servipjjañapäna, israelit masinakaparus sum uñjapjjañapäna. Débora, Noemí, Ana, Jefté chachan phuchapa, Josué, Samuel, jupanakajj wal mayninakar yanaptʼapjjäna. Rahab, Rut, Jael warminakasa, gabaonitanakasa, Diosajj israelitanakampïtap yatisajj jupanakampiw juntachasjjapjjäna.
AKA SECCIONANJJA AKA YATICHÄWINAKAW UTJI
29 YATICHÄWI
Jehová Diosajj Josué chacharuw ajllïna
Kuntï Diosajj Josué chachar siskäna ukajj jiwasarus wal yanaptʼistu.
30 YATICHÄWI
Rahab warmejj uñaqerinakaruw imantäna
Jericó markan perqanakapaw allthaptäna. Rahab warmin utapajj uyu patjjankchïnsa janiw allthaptkänti.
31 YATICHÄWI
Josué chachampi gabaonitanakampi
Intin saytʼañapatakiw Josué chachajj Diosar mayisïna. ¿Diosajj oracionap istʼpachänti?
32 YATICHÄWI
Mä machaq irpirimpi pä jan ajjsarir warminakampi
Josué chachan jiwjjepanjja, israelitanakajj yaqha diosanakaruw adorjjapjjäna. Ukatwa jan walinakan uñjasipjjäna, ukampis Barac chachampi, Débora profetisampi, Jaelampiw yanaptʼapjjäna.
33 YATICHÄWI
Rut warmimpi Noemí warmimpi
Pä viudanakaw Israel markar kuttʼjjapjjäna. Rut sat viuda warmejj yapunakaruw trabajir saräna. Ukanwa Boaz chachar uñtʼäna.
34 YATICHÄWI
Gedeonajj madianitanakaruw atipjäna
Madianitanakajj wal israelitanakar tʼaqesiyapjjäna, ukatwa Jehová Diosar yanaptʼa mayisipjjäna. ¿Kunjamsa Gedeonan 300 soldadonakapajj 135.000 madianita soldadonakar atipjapjjäna?
35 YATICHÄWI
Anajj wawanïñatakiw Jehová Diosar orasïna
Elcaná chachajj Siló markaruw Diosar adorañatakejj Anarusa, Peniná warmirusa, wawanakaparusa irpirïna. Ukanwa Anajj Jehová Diosar wawanïñatak orasïna. Mä mara qhepatwa Samuel wawajj nasjjäna.
36 YATICHÄWI
Jefté chachan promesapa
¿Kuna promessa Jefté chachajj luräna? ¿Kunatsa uk luräna? Awkipan promesap yatisajja, ¿phuchapajj kamsänsa?
37 YATICHÄWI
Jehová Diosajj Samueluruw parläna
Elí sat jachʼa jilïr sacerdoten pä yoqanakapajj tabernaculonwa sacerdotet servipjjäna. Jupanakajj janiw Diosan leyinakap istʼapkänti. Samuelojj janiw jupanakjamäkänti. Mä arumajj Jehová Diosaw Samuelur parläna.
38 YATICHÄWI
Jehová Diosaw Sansonar chʼam churäna
Filisteonak contra nuwasiñatakejj Diosaw Sansonar chʼam churäna, ukampis jan wali amtar puritap laykuw filisteonakajj Sansonar katuntapjjäna.
