Изра́илдәр Вәғәҙә ителгән ергә ингәс, изге сатыр хаҡ ғибәҙәт ҡылыуҙың үҙәге булып киткән. Руханиҙар Ҡанун өйрәткән, ә хөкөмсөләр тәртип һаҡлаған. Бер кеше ҡабул ителгән ҡарарҙар башҡа кешеләрҙең тормошона ныҡ тәьҫир итә, һәм ошо өлөш быны ап-асыҡ күрһәтә. Һәр изра́иль кешеһе Йәһүәгә һәм яҡындарына ҡарата тоғролоҡ һаҡларға тейеш булған. Баланың иғтибарын Дево́ра, Нәғмиә́, Ешуа́, Һа́нна, Ифта́х ҡыҙы һәм Самуи́л үрнәге башҡаларға ниндәй йоғонто яһағанына йүнәлтегеҙ. Хатта ҡайһы бер сит кешеләр, мәҫәлән, Раха́в, Руф, Йәилә́ һәм гаваонда́р изра́илдәргә ҡушылған, сөнки улар Алланың изра́илдәр менән булғанын күргән.