Akpasua 6 i su fitilɛ
Kɛ Izraɛlifuɛ mun be juli lika nga Ɲanmiɛn seli kɛ ɔ́ fá mán be’n i nun lɔ’n, Ɲanmiɛn i tannin sua’n nun lɔ yɛ be yi tɛ be mɛn i-ɔ. Ɲanmiɛn ɲrun jranfuɛ mun be kanngan Mmla’n nun be kle nvlefuɛ mun. Kpɛkun, jɔlɛ difuɛ mun be sie nvle’n. Ndɛ akpasua nga kle kɛ ajalɛ nga sran kun fa’n, annzɛ like nga sran kun yo’n, ɔ kwla ɲan ta i wiengu mun be su. Ɔ fata kɛ Izraɛlifuɛ mun be tinuntinun be nin Zoova nanti klanman, yɛ be yo be wiengu mun be kpa. Like nga Debora nin Naomin nin Zozie nin Anin nin Zɛfte i wa bla’n, yɛ Samiɛli be yoli’n, wafa ng’ɔ ɲannin ta be wiengu mun be su’n, yiyi nun naan sran nga a kle i like’n ɔ wun i wlɛ. Asa ekun’n, sran wie mɔ be timan Izraɛlifuɛ’n be jrannin Izraɛlifuɛ mun be sin. Afin be wunnin kɛ Ɲanmiɛn nin Izraɛlifuɛ mun o nun. Be nun wie yɛle Raabu, Riti, Zaɛli, yɛ Gabaɔnfuɛ mun. Fa sran’n i ɲin sie i sɔ’n su kpa.
AKPASUA NGA NUN'N
LIKE SUANLƐ 30
Raabu fali be nga be sunmannin be’n fiali
Zeriko klɔ’n i wun talɛ’n bu guali. Sanngɛ Raabu sua m’ɔ o klɔ’n i wun talɛ’n su’n kali lɛ.
LIKE SUANLƐ 31
Zozie nin Gabaɔnfuɛ mun
Zozie seli Zoova kɛ ɔ yo naan ‘wia’n jran.’ ?Zoova tɛli i srɛlɛ’n su?
LIKE SUANLƐ 32
Siefuɛ uflɛ kun nin bla yakpafuɛ nɲɔn
Kɛ Zozie wuli’n, Izraɛlifuɛ mun be sɔli amuin mun. Lika’n yoli kekle. Sanngɛ Baraki nin Debora nin Zaɛli be ti’n, lika’n wa tɔli fɔun.
LIKE SUANLƐ 33
Riti nin Naomin
Bla nɲɔn mɔ be wun mun b’a wu’n, be su sa be sin Izraɛli. Bla’m be nun kun, Riti, su di fie su junman, Boazi fɛli i ɲin sieli i su.
LIKE SUANLƐ 34
Zedeɔn kwlali Madianfuɛ mun
Kɛ Madianfuɛ mun bé klé Izraɛlifuɛ mun be yalɛ’n, Izraɛlifuɛ mun be flɛli Zoova. ?Wafa sɛ yɛ Zedeɔn nin i sonja kan mun be kwlali Madian sonja 135.000 mun-ɔn
LIKE SUANLƐ 35
Anin srɛli Ɲanmiɛn kɛ ɔ mɛn i ba kun
Ɛlkana fa Anin nin Pɛnina, ɔ nin be mma mun kɔ Silo be ko yi tɛ be man Ɲanmiɛn, i tannin sua’n nun lɔ. Lɔ’n, Anin srɛli Ɲanmiɛn kɛ ɔ mɛn i ba kun. I afuɛ nuan m’ɔ́ yía’n, be wuli Samiɛli.
LIKE SUANLƐ 36
Like nga Zɛfte seli kɛ ɔ́ yó’n
?Nda benin yɛ Zɛfte tali-ɔ? ?Ngue ti-ɔ? ?Kɛ Zɛfte i wa bla’n tili i kɛ i si w’a ta nda’n, ngue yɛ ɔ yoli-ɔ?
LIKE SUANLƐ 37
Zoova kannin ndɛ kleli Samiɛli
Eli m’ɔ ti Ɲanmiɛn ɲrun jranfuɛ dan’n, i mma nɲɔn mun be ti Ɲanmiɛn ɲrun jranfuɛ Ɲanmiɛn i tannin sua’n nun lɔ. Sanngɛ be ɲin yiman Ɲanmiɛn. Samiɛli w’a yoman kɛ be sa. Cɛn kun kɔnguɛ’n Zoova kan ndɛ kleli Samiɛli.
LIKE SUANLƐ 38
Zoova mannin Samsɔn i wunmiɛn
Ɲanmiɛn mannin Samsɔn i wunmiɛn naan ɔ kwla Filistifuɛ mun. Sanngɛ kɛ Samsɔn fali ajalɛ tɛ’n, Filistifuɛ mun be trɛli i.