Amashiwi ya Kutendekelako mu Cipande 6
Ilyo abena Israele bafikile mu Calo ca Bulayo, icikuulwa ca mushilo e cifulo icikalamba ico balepepelapo Yehova. Bashimapepo balesambilisha abantu Amafunde, kabili abapingushi baletungulula abantu. Cino cipande cilelanda pa fyo ifyo umuntu apingulapo ne fyo acita fingakuma abantu bambi. Umwina Israele onse alingile ukuba uwa cishinka kuli Yehova na ku bantu bambi. Landeni pa fyo ifyo Debora, Naomi, Yoshua, Hana, umwana wa kwa Yefta, na Samwele bacitile fyayafwile abantu baleikala nabo. Komaileni na pa cishinka ca kuti na bashali abena Israele pamo nga Rahabu, Ruti, Yaele, e lyo na bena Gibeone, basalilepo ukuba ku lubali lwa bena Israele pantu balishibe ukuti Lesa ali na bena Israele.
MULI ICI CIPANDE
Yehova Asala Yoshua
Lesa alipeele Yoshua amafunde ayengatwafwa na muno nshiku mwine.
Rahabu Afisa Abaume Abaile mu Kumona Icalo
Ifibumba fya Yeriko fya bongoloka. Lelo ing’anda ya kwa Rahabu tayawile nangu ca kuti baikulile mu cibumba.
Yoshua na Bena Gibeone
Yoshua alipepele kuli Lesa ati: “Akasuba keminine shilili!” Bushe Lesa alyaswike?
Intungulushi Iipya na Banakashi Babili Abashipa
Ilyo Yoshua afwile, abena Israele batendeke ukupepa ifilubi. balecula, lelo ababafwile Mupingushi Baraki, Debora kasesema mwanakashi, e lyo na Yaele uwakwete ulupopo!
Ruti na Naomi
Abanakashi babili abo abena mwabo bafwile babwelelelamo ku Israele. Ruth umo pali aba abanakashi, aile mu kubomba mwi bala, umo Boasi amumwene.
Gideone Acimfya Abena Midiani
Ilyo abena Midiani balecusha abena Israele, balombele Yehova ukuti abafwe. Bushe abashilika ba kwa Gideone abali fye abanono bacimfishe shani abashilika 135,000?
Hana Alomba Umwana Umwaume
Elkana asenda Hana, Penina, na bana ku kupepa pa cikuulwa ca mushilo ku Shilo. Uko Hana alombele ukuti akakwate umwana umwaume. Pa numa ya mwaka umo, Samwele alifyelwe!
Ifyo Yefta Alaile
Cinshi Yefta alaile, kabili mulandu nshi? Bushe umwana wa kwa Yefta acitile shani ilyo ashibe ifyo wishi alaile?
Yehova Alanda na Samwele
Abana abaume babili aba kwa Shimapepo Mukalamba Eli balebombela pa cikuulwa ca mushilo, lelo tabalekonka amafunde ya kwa Lesa. Samwele ena te fyo ali, kabili Yehova alilandile nankwe.
Yehova Alipeele Samsone Amaka
Lesa alipeele Samsone amaka ayengi pa kuti acimfye abaPelishiti, lelo Samsone tapingwile bwino pa fintu, e ico abaPelishiti balimwikete.
