Fastok Blong Haf 6
Taem ol man Isrel oli kasem Promes Lan, haos tapolen blong God i stamba ples blong mekem tru wosip. Ol pris oli tijim ol man long Loa, mo ol jaj oli lidim ol man. Haf ya i soemaot olsem wanem ol desisen mo ol aksen blong yumi oli save givhan long narafala o spolem narafala. Evri man Isrel i mas mekem sam samting blong Jehova mo blong narafala man. Yu tokbaot ol samting we Debora, Nomi, Josua, Hana, gel blong Jeftaha, mo Samuel oli mekem, blong givhan long ol narafala man. Yu makem gud se samfala we oli no man Isrel, olsem Rehab, Rut, Jael, mo ol man Gibeon, oli joen wetem ol man Isrel from we oli luksave se God i stap wetem olgeta.
LONG HAF YA
STORI 29
Jehova i Jusum Josua Blong i Kam Lida
Ol advaes we God i givim long Josua oli save givhan long yumi tede tu.
STORI 30
Rehab i Haedem Tufala Spae
Stonwol blong Jeriko i brobrok. Be haos blong Rehab i stanap i stap nating se i stap antap long stonwol.
STORI 31
Josua Mo Ol Man Gibeon
Josua i prea long God se: “!San i no muv!” ?Yu ting se God i ansarem hem?
STORI 32
Wan Niufala Lida Mo Tu Woman We i No Fraet
Taem Josua i ded, ol man Isrel oli wosipim ol aedol. Laef i kam strong, be Jaj Barak, woman profet ya Debora, mo Jael we i karem wan hama mo stik, oli givhan.
STORI 33
Rut Mo Nomi
Tu woman we man blong tufala i ded, i gobak long Isrel. Wan long tufala, Rut, i go wok long garen, nao Boas i luk hem.
STORI 34
Gideon i Winim Ol Man Midian
Isrel i krae long Jehova taem ol man Midian oli spolem olgeta. ?Olsem wanem smol grup blong ol ami blong Gideon oli winim 135,000 soldia blong Midian?
STORI 35
Hana i Prea Blong i Gat Wan Boe
Elkana, Hana, Penina, mo ol pikinini oli go long Silo blong mekem wosip long haos tapolen. Hana i prea blong i gat wan boe. I no wan yia yet, hem i bonem Samuel.
STORI 36
Promes We Jeftaha i Mekem
?Jeftaha i mekem wanem promes, mo from wanem? Taem gel blong Jeftaha i harem se papa blong hem i mekem promes ya, ?hem i talem wanem?
STORI 37
Jehova i Toktok Long Samuel
Tu boe blong Hae Pris Ilae oli pris long haos tapolen, be tufala i no obei long loa blong God. Yangfala Samuel i defren. Wan naet Jehova i toktok long Samuel.
STORI 38
Jehova i Mekem Samson i Strong
God i mekem Samson i strong blong i save faet agensem ol man Filistia, be taem Samson i mekem wan nogud desisen, ol man Filistia oli holem hem.
