Éyoñe bon b’Israël be nga kui Si ya Tiñetan, tabernacle a nga bo vôme ya nya ékaña’a. Bepretre be mbe be lañe’ bôte Metiñ, betyi’i mejô ki be mbe be wulu’u ayoñ. Ngabe nyi ja liti na, mintyi’ane môte wua a nyoñ, mi ne soo bôte befe mbamba be mam, nge ke bo na be tôbane minjuk. Môt ase y’ayoñ Israël a mbe a bili na a yalan ajô dé be Yéhôva, a be ntyi’i mejô. Liti’i na Débora, Naomi, Josué, Hanna, ngone Jephté, a Samuel be nga liti mbamba éve’ela éyoñe jap. Ngôné’é fe na, ja’a bôte befe ane Rahab, Ruth, Jaël, a Begabaonite, be nga tyi’i na ba bo Yéhôva ésaé, akusa bo be nji be bôte ya Israël, amu be nga yeme na Yéhôva nnye a wulu a bon b’Israël.