Omaromelo wa Epaddi 6
Aizrayel mfiyelani Mwilaboni Yalibeli Mulugu wavaha, mburo wakosani webedha webaribari wali tabernakulu. Anamakutta basunziha Nlamulo, oku nlogona nisogorheliwaga na anamattonga. Epaddi eji enele olagiha mpattelo onapatta attu eena dhosakula dhehu. Mwizrayel-ddi-mwizrayel wahikana izo vamentoni va Yehova vina attu akwaye. Enologa monelo woniwa Debora, Nowemi, Josuwé, Ana mwana Josafat, na Samuwel munlogoni na Izrayel. Enologa vina wila attu eena ahali Aizrayel, ninga Rahab, Ruti, Jayel, na akadda Gabaón, aahisakula ovitaganyiha na nlogo na Izrayel sabwa anziwa wila Yehova wali na awene.
IN THIS SECTION
NSUNZO 30
Rahab Ohavita Anamareza
Dhirugu dha Jeriko dhahigurumusuwa. Oku numba ya Rahab jilivi yowimeleni masiki vamagiwani veruguniva.
NSUNZO 32
Musogorheli Muswa na Ayana Eli Oliba Murima
Mukweli Josuwé, nlogo na Izrayel nihiroma wawebedha amulugu osemiwa ninga akadda Kana. Annona goi, wakamihedhi wali Namattonga Barak, namavuhulela wa muyana Debora, na Jael bali vamusasani vawa!
NSUNZO 33
Ruti na Nowemi
Ayana eeli ali amamukwela aahiyelela w’Izrayel. Mmodhayavo wakuweliwa Ruti wahidhowa olaba mmuddani, mwenemo mwamonile Boaz.
NSUNZO 34
Jedeau Ohapemberha Akadda Midia
Akadda Midia muromelani watabutxa ana Izrayel, awene amuloba Yehova wi akamihedhe. Anyakoddo ang’onovi a Jedeau awodhile dhavi wapemberha anyakoddo 135.000 a akadda Midia?
NSUNZO 35
Ana Onolobela wi Akane Mwana
Elkana omuttukula Ana, Penina na anaye adhowa webedha mu tabernakulu o Silo. Wenewo Ana olobela wi akane mwana. Pavirile yaka modha Samuwel obaliwa!
NSUNZO 36
Opikirhela wa Jefté
Jefté wapikirheli eni nanda sabwaya jani? Mwana wa Jefté wewilemo dhavi na nipikirhelo nakosi babe?
NSUNZO 37
Yehova Onologa na Samuwel
Aima eli a Namakutta munddimuwa Eli alaba ninga anamakutta va tabernakulu, aweneya kewelela malamulo a Mulugu. Muzombwe Samuwel wahittiyana na awene, nona Yehova wahiloga na iyene.
NSUNZO 38
Yehova Onomulibiha Sansau
Mulugu ohinvaha guru Sansau wi awane na Afilistiya, Sansau musakuleliye dhilobo dhabure, Afilistiya amuttidda.
