Maliji atangu a chihanda 6
Muze A-Izalele atambwile Chifuchi cha Chilakenyo, tabernakulu yiyipwa chihela chilemu cha uwayilo wamwenemwene. Asasendote te kakulongesa Shimbi, alioze akwa-kuyula te kakusongwela vungu lio. Chihanda chino, muchisolola chize yiyulo ya atu ni yitanga yo muyihasa kutwa kuli akwo. Hita Ka-Izalele kapwile ni chiteli kuli Yehova ni kuli akwo. Shindakenya kanawa yitanga yipema yize asolwele Debola, Noemi, Yoshua, Hana, mwana wa Jefeta wa pwo, ni Samuele mu membo jo muze apwile. Shindakenya nawa ngwe chipwe amwe waze te hi A-Izalele ko, ngwe Rahape, Rute, Jaele ni A-Ngibeone kasakwile kupwa sali lia A-Izalele mumu kanyingikine ngwo Zambi kali hamwe no.
HA CHINO CHIHANDA
LONGESO 30
Rahape Yasweka Ngendeshi
Yikalakala ya Yeriku yiyipuzuka yeswe. Alioze zuwo lia Rahape linunga ni kumana ngu, chipwe ngwe kalitungile ha chikalakala.
LONGESO 31
Yoshua ni A-Ngibeone
Yoshua yalemba kuli Zambi ngwenyi: “Tangwa, mana hamuwika!” Shina Zambi kamukumbulwile?
LONGESO 32
Kasongo Mwaha ni Mapwo Aali a Hamu
Muze Yoshua te afwa kulu, A-Izalele yaputuka kuwayila mahamba. Mwono hi ukaliwa chinji, alioze ukwaso te muwiza kuli Mukwa-Kuyula Mbarake, Debola profeta wa pwo, ni Jaele ku mbalaka yenyi!
LONGESO 33
Rute ni Noemi
Mapwo aali malunga jo hanafu hanafuna ku Izalele. Umwe wa kuli mapwo jacho, Rute, kanayi ni kukalakala mu minda, kuze amumwene kuli Mboaze.
LONGESO 34
Ngideone Yakumba A-Mindiane
Muze te A-Mindiane hamwesa A-Izalele lamba, atu yaputuka kwita ukwaso kuli yehova. Kuchi mba chilombo chikepe cha maswalale a Ngdeone ahashile kukumba chilombo cha maswalale 135,000?
LONGESO 35
Hana Yalemba Hanga Apwe ni Mwana
Elekana kanande Hana, Penina, hamwe ana jo hanga aye ni kuwayila ku tabernaculu ku Shilo. Koko, Hana yalemba hanga apwe ni mwana. Hakupalika cha umwe mwaka, yashita Samuele!
LONGESO 36
Chilakenyo Cha Jefeta
Chilakenyo chika Jefeta alingile, nawa mumu liaka? Yika mwana wa Jefeta alingile ha chilakenyo cha tato?
LONGESO 37
Yehova Yahanjika ni Samuele
Ana aali a Sasendote wa Lutwe Eli kapwile ni kukalakala ngwe asasendote ku tabernakulu, alioze ayo te keshi kwononokena shimbi lia Zambi. Mukweze Samuele kalisele no. Ha umwe ufuku Yehova yahanjika ni Samuele
LONGESO 38
Yehova Yapwisa Samasone Mukwa-Tachi
Zambi yapwisa Samasone mukwa-tachi hanga ase jita ni A-Filistea, alioze muze Samesone akwachile chiyulo chipi, A-Filistea yamukwata.
