Lentrodiksyon Seksyon 6
Ler bann Izraelit ti finalman ariv Later Promiz, zot ti kontinyen ador Zeova dan latant ladorasyon. Bann pret ti ansenny Lalwa e bann ziz ti gid nasyon Izrael. Sa seksyon i montre ki mannyer desizyon ek aksyon en dimoun i kapab annan en lefe lo lezot. Sak Izraelit ti annan en responsabilite devan Zeova ek son prosen. Montre ou zanfan ki lenfliyans Debora, Naomi, Zozye, Ana, fiy Zefta ek Samyel ti annan lo zot kominote. Montre osi ki menm si serten pa ti Izraelit, par egzanp Raab, Rit, Zael ek bann Gibeonnit, zot ti deside pour pran kote avek bann Izraelit parski zot ti konnen ki Bondye i avek zot.
DAN SA SEKSYON
LESON 30
Raab ti kasyet de espyon
Miray Zeriko ti kraze. Me lakaz Raab ti reste debout, menm si i ti’n ganny konstri dan sa miray.
LESON 32
En nouvo sef ek de madanm brav
Apre lanmor Zozye bann Izraelit ti konmans ador zidol. Lavi ti vin difisil me zot ti ganny led avek ziz Barak, Debora ki ti en madanm profet ek Zael avek son pike latant!
LESON 33
Rit ek Naomi
De madanm ki zot msye in mor i retourn Izrael. Enn sa bann madanm, Rit i al travay dan plantasyon, kot Boaz ti vwar li.
LESON 34
Gideonn ti ranport laviktwar lo bann Madyanit
Apre ki bann Madyanit ti fer lavi bann Izraelit difisil, sa bann dimoun ti sipliy Zeova pour ganny led. Ki mannyer sa ptigin larme ki Gideonn ti annan ti kapab defet 135,000 solda?
LESON 35
Ana i priye pour ganny en garson
Elkana i anmenn Ana, Penina ek bann zanfan pour ador Zeova kot latant Silo. Laba, Ana i priye pour ganny en garson. Enn an pli tar, Samyel i ne!
LESON 36
Promes Zefta
Ki promes Zefta i fer e akoz? Ki mannyer fiy Zefta ti reazir anver promes son papa?
LESON 37
Zeova i koz avek Samyel
Sa de garson Granpret Eli ti servi konman pret kot latant me zot pa ti obei lalwa Bondye. Samyel ti diferan e Zeova ti koz avek li.
LESON 38
Zeova ti fer Sanmson for
Bondye ti fer Sanmson for pour lager kont bann Filisten, me ler Sanmson ti fer en move desizyon bann Filisten ti tyonbo li.