I tejchibal jiñi sección 6
Jiñi israelob tsaʼ cʼotiyob yaʼ ti Lum tsaʼ bʌ Wʌn subentiyob, i jiñi tabernáculo tsaʼ sujti baqui miʼ yujtel isujm bʌ chʼujutesaya. Jiñi motomajob tsiʼ pʌsʌyob jiñi Mandar i jiñi juezob tsiʼ pʌsbeyob bij jiñi israelob. Ti ili sección mi caj laj cʌn chaʼan miʼ mejlel i coltan yambʌlob jiñi muʼ bʌ laʼ mel. Jiñi israelob yom xucʼul miʼ yajñelob ti Jehová yicʼot tiʼ tojlel i piʼʌlob. Alʌ chuqui tsiʼ mele Débora, Noemí, Josué, Ana, i yixicʼal (yixicpʼeñal) Jefté yicʼot Samuel. Alʌ jaʼel chaʼan an mach bʌ israelob, bajcheʼ Rahab, Rut, Jael yicʼot jiñi gabaoñob, tsiʼ coltayob jiñi israelob come yujilob chaʼan añʌch Dios yicʼotob.
TI ILI SECCIÓN
CΛNTESΛNTEL 29
Jehová miʼ yajcan Josué
Dios tiʼ sube Josué tʼan tac muʼ bʌ i mejlel i coltañonla jaʼel.
CΛNTESΛNTEL 30
Rahab miʼ coltan jiñi xyojchʼob
Miʼ jejmel i murojlel Jericó. I yotot Rahab maʼañic miʼ jejmel anquese yaʼ tʌcʼʌl yic’ot jiñi muro.
CΛNTESΛNTEL 31
Josué yicʼot jiñi gabaoñob
Josué miʼ cʼajtiben Dios chaʼan miʼ waʼchocon jiñi qʼuin. ¿Muʼ ba i jacʼben Dios i yoración?
CΛNTESΛNTEL 32
Tsijib yumʌl yicʼot chaʼtiquil chʼejl bʌ xʼixicob
Tsaʼ chʌmi Josué i jiñi israelob tsaʼ caji i chʼujutesañob diosteʼ. Tsiʼ wen tajayob wocol tiʼ caj jiñi, pero tsaʼ coltʌntiyob tiʼ tojlel jiñi juez Barac, jiñi xʼaltʼan Débora yic’ot Jael cheʼ bʌ tsiʼ sʌl jecʼbe i jol Sísara ti jay bʌ teʼ.
CΛNTESΛNTEL 33
Rut yicʼot Noemí
Chaʼtiquil mebaʼ xʼixicob miʼ chaʼ majlelob ti Israel. Junticlel jiñi xʼixic jiñʌch Rut tsaʼ bʌ i chaʼle eʼtel ti jumpʼejl lum. Yaʼi tsiʼ cʌñʌ Boaz.
CΛNTESΛNTEL 34
Gedeón miʼ jisan madiañob
Jiñi israelob miʼ cʼajtiñob i coltʌntel ti Jehová come jiñi madiañob miʼ wen ticʼlañob. ¿Bajcheʼ tsiʼ jisa Gedeón jiñi 135 mil soldadojob cheʼ mach tsaʼ cabʌlic i wiñic?
CΛNTESΛNTEL 35
Ana miʼ cʼajtin i yalobil ti Jehová
Elcaná tsiʼ pʌyʌ majlel Ana, Peniná yicʼot i yalobil chaʼan miʼ chʼujutesañob Dios yaʼ ti tabernáculo am bʌ ti Siló. Jiñʌch baqui Ana miʼ cʼajtin i yalobil ti Jehová. Cojach tsaʼ ñumi jumpʼejl jab i tsaʼ yilal pañimil Samuel.
CΛNTESΛNTEL 36
Jefté miʼ yʌcʼ i tʼan
¿Chuqui ti tʼan miʼ yʌcʼ Jefté? ¿Chucoch miʼ yʌcʼ i tʼan? ¿Chuqui miʼ yʌl i yixicʼal cheʼ bʌ miʼ yubin jiñi tʼan tsaʼ bʌ i yʌcʼʌ i tat?
CΛNTESΛNTEL 37
Jehová miʼ pejcan Samuel
I yalobilob jiñi ñuc bʌ motomaj Elí motomajob jaʼel yaʼ ti tabernáculo. Maʼañic miʼ jacʼbeñob i mandar Dios. Jiñi xcolel Samuel yʌñʌl, ti jumpʼejl bʌ acʼʌlel tsaʼ pejcʌnti ti Jehová.
CΛNTESΛNTEL 38
Dios miʼ yʌqʼuen i pʼʌtʌlel Sansón
Dios miʼ yʌqʼuen i pʼʌtʌlel Sansón chaʼan miʼ contrajin jiñi filisteojob, pero cheʼ bʌ Sansón miʼ mel mach bʌ weñic, jiñi filisteojob miʼ chucob.
