Réamhrá Cuid 6
Nuair a shroich na hIosraeilítigh an Tír Tairngire, bhí an taibearnacal mar lárionad adhartha acu. Mhúin na sagairt an Dlí, agus threoraigh na breithiúna an náisiún. Léiríonn an chuid seo den leabhar an bealach a dtéann ár gcinntí agus na rudaí a dhéanann muid i bhfeidhm ar dhaoine eile. Bhí freagracht ar gach duine de na hIosraeilítigh caitheamh go maith le hIehova agus le daoine eile. Cuir béim ar an tionchar a bhí ag Deabórá, Náoimí, Iósua, Hanná, iníon Iaftá agus Samúéil ar a bpobal. Cuir béim freisin, ar na daoine nárbh Iosraeilítigh iad, ach a thaobhaigh leis na hIosraeilítigh faoi go raibh a fhios acu go raibh Dia leo. Ina measc seo bhí, Rácháb, Rút, Iáéil, agus na Gibeónaigh.
SA gCUID SEO
CEACHT 30
Chuir Rácháb na Spiairí i bhFolach
Thit ballaí Ireachó go talamh. Ach d’fhan teach Rácháb ina sheasamh cé go raibh sé déanta ar an mballa.
CEACHT 32
Ceannaire Nua agus Beirt Bhan Cróga
Tar éis d’Iósua bás a fháil, thosaigh na hIosraeilítigh ag adhradh na n-íol. Chuaigh an saol in olcas, ach tháinig an breitheamh Bárác, Deabórá an banfháidh, Iáéil agus a pionna pubaill i gcabhair orthu!
CEACHT 33
Rút agus Náoimí
Filleann beirt bhaintreach ar Iosrael. Oibríonn duine de na mná, Rút, i bpáirc, áit a dtugann Boaz faoi deara í.
CEACHT 34
Chloígh Gideón na Midiánaigh
Tar éis do na Midiánaigh géarleanúint a dhéanamh ar Iosrael, d’impigh siad ar Iehova cabhrú leo. Cén chaoi ar chloígh arm beag Ghideón 135,000 saighdiúir?
CEACHT 35
Guíonn Hanná go mBeidh Mac Aici
Tugann Ealcáná Hanná, Pinineá agus a pháistí go dtí Sileo le bheith ag adhradh ag an taibearnacal. Is ansin a ghuíonn Hanná go mbeadh mac aici. Rugadh a mac, Samúéil, taobh istigh de bhliain!
CEACHT 36
Gealltanas Iaftá
Céard a gheall Iaftá agus cén fáth? Céard a dúirt iníon Iaftá faoin ngealltanas a thug a hathair?
CEACHT 37
Labhraíonn Iehova le Samúéil
Bhí clann mhac Éilí ag freastal mar shagairt ag an taibearnacal, ach ní raibh siad umhal do dhlíthe Dé. Ní mar sin a bhí Samúéil agus labhair Iehova leis.
CEACHT 38
Láidríonn Iehova Samsón
Thug Dia neart do Shamsón chun troid in aghaidh na bhFilistíneach, ach nuair a rinne sé botún ghabh na Filistínigh é.
