Fã 6 Hiɛkpamɔ Wiemɔ
Be ni Israelbii yashɛ Shiwoo Shikpɔŋ lɛ nɔ lɛ, sɔlemɔ buu lɛ ji he ni amɛjá Nyɔŋmɔ yɛ. Osɔfoi lɛ tsɔɔ amɛ Mla lɛ, ni kojolɔi lɛ nyiɛ maŋ lɛ hiɛ. Fã nɛɛ hãa wɔnaa faŋŋ akɛ, wɔyiŋkpɛi kɛ wɔnifeemɔi baanyɛ asa mɛi krokomɛi ahe waa. Ehe bahia ni Israelnyo fɛɛ Israelnyo aye Yehowa kɛ enaanyo gbɔmɔ anɔkwa. Hã obi lɛ ana bɔ ni nibii ni tee nɔ yɛ Debora, Naomi, Yoshua, Hana, Yefta biyoo lɛ, kɛ Samuel shihilɛ mli lɛ ná mɛi ni yɔɔ hei ni amɛhi lɛ anɔ hewalɛ. Hã efee faŋŋ akɛ, mɛi ni jeee Israelbii po, tamɔ Rahab, Rut, Yael, kɛ Gibeonbii lɛ, kpɛ amɛyiŋ akɛ amɛbaafata Israelbii lɛ ahe, ejaakɛ amɛna akɛ Nyɔŋmɔ kɛ amɛ yɛ.
YƐ FÃ NƐƐ MLI
NIKASEMƆ 30
Rahab Hã Shikpálɔi Lɛ Yatee
Yeriko gbogboi lɛ kumɔ shwie shi. Shi Rahab shĩa lɛ kumɔɔɔ eyɛ mli akɛ ema gbogbo lɛ nɔ.
NIKASEMƆ 31
Yoshua Kɛ Gibeonbii Lɛ
Yoshua sɔle ehã Nyɔŋmɔ akɛ: “Hulu, wa odamɔ shi!” Ani Nyɔŋmɔ hã lɛ hetoo?
NIKASEMƆ 32
Hiɛnyiɛlɔ Hee Kɛ Yei Enyɔ Ni Fee Ekãa
Yɛ Yoshua gbele sɛɛ lɛ, Israelbii lɛ bɔi amagai jamɔ. Nibii amli bawa kɛhã amɛ, shi Yehowa ye ebua amɛ kɛtsɔ Kojolɔ Barak, gbalɔ yoo Debora, kɛ Yael nɔ.
NIKASEMƆ 33
Rut Kɛ Naomi
Okulafoi enyɔ ku amɛsɛɛ kɛtee Israel. Amɛteŋ mɔ kome ni atsɛɔ lɛ Rut lɛ yatsu nii yɛ Boaz ŋmɔ lɛ mli, ni Boaz ná ehe miishɛɛ.
NIKASEMƆ 34
Gideon Ye Midianbii Lɛ Anɔ Kunim
Midianbii lɛ hao Israelbii lɛ waa. Israelbii lɛ kpa Yehowa fai ni ehere amɛ. Te Gideon kɛ esraafoi fioo lɛ fee tɛŋŋ amɛye Midian asraafoi 135,000 anɔ kunim?
NIKASEMƆ 35
Hana Sɔle Koni Nyɔŋmɔ Ahã Lɛ Binuu
Elkana, Hana, Penina, kɛ gbekɛbii lɛ tee ni amɛyajá Nyɔŋmɔ yɛ sɔlemɔ buu lɛ yɛ Shilo. Be ni amɛtee lɛ, Hana sɔle ni Nyɔŋmɔ ahã lɛ binuu. Enɔ afi lɛ, efɔ Samuel!
NIKASEMƆ 36
Yefta Shiwoo Lɛ
Mɛni Yefta wo Nyɔŋmɔ shi akɛ ebaafee? Ni mɛni hã ewo lɛ shi lɛ? Te Yefta biyoo lɛ fee enii ehã tɛŋŋ yɛ epapa shiwoo lɛ he?
NIKASEMƆ 37
Yehowa Kɛ Samuel Wie
Osɔfonukpa Eli bihii enyɔ lɛ sɔmɔ akɛ osɔfoi yɛ sɔlemɔ buu lɛ, shi amɛyeee Nyɔŋmɔ mlai lɛ anɔ. Gbekɛ nuu fioo Samuel ekaseee amɛ, ni Yehowa kɛ lɛ wie.
NIKASEMƆ 38
Yehowa Hã Samson He Wa
Nyɔŋmɔ hã Samson he wa koni ewu eshi Filistibii lɛ, shi yiŋ gbonyo ko ni Samson kpɛ lɛ hã Filistibii lɛ mɔ lɛ.
