Introduksion sa Seksion 6
Sang nag-abot na ang mga Israelinhon sa Ginsaad nga Duta, ang tabernakulo amo ang nangin sentro sang matuod nga pagsimba didto. Ang mga saserdote ang nagatudlo sang Kasuguan, kag ang mga hukom ang nagagiya sa pungsod. Ginapakita sini nga seksion nga ang desisyon kag ginahimo sang isa ka tawo may daku nga epekto sa iban. Ang kada Israelinhon may salabton kay Jehova kag sa iya isigkatawo. Ipadaku ang impluwensia nanday Debora, Noemi, Josue, Hana, bata ni Jefte, kag Samuel sa katawhan. Ipatalupangod nga bisan ang indi mga Israelinhon, pareho nanday Rahab, Rut, Jael, kag sang mga Gibeonhon, nagdesisyon nga magdampig sa mga Israelinhon kay nakahibalo sila nga kaupod nila ang Dios.
SA SINI NGA SEKSION
LEKSION 29
Ginpili ni Jehova si Josue
Ginhatagan sang Dios si Josue sing mga instruksion nga makabulig man sa aton subong.
LEKSION 30
Gintago ni Rahab ang mga Espiya
Narumpag ang mga pader sang Jerico. Pero wala maguba ang balay ni Rahab, bisan pa bahin ini sang pader.
LEKSION 31
Si Josue kag ang mga Gibeonhon
Si Josue nangamuyo sa Dios: “Adlaw, magpundo ka!” Ginsabat bala sia sang Dios?
LEKSION 32
Ang Bag-o nga Lider kag ang Duha ka Maisog nga Babayi
Sang napatay si Josue, ang mga Israelinhon nagsimba sa butig nga mga dios. Nangin mabudlay ang ila kabuhi, pero ginbuligan sila paagi kay Hukom Barak, kay manalagna Debora, kag kay Jael nga naggamit sang iya palpal!
LEKSION 33
Si Rut kag si Noemi
Ang duha ka babayi nga pareho nga napatyan sing bana nagbalik sa Israel. Ang isa sa ila, nga si Rut, nanguha sing nabilin nga uhay sa mga uma, kag didto sia natalupangdan ni Boaz.
LEKSION 34
Ginpierde ni Gideon ang mga Midianhon
Sang ginpabudlayan sang mga Midianhon ang kabuhi sang mga Israelinhon, nangayo sing bulig ang mga Israelinhon kay Jehova. Paano napierde sang diutay nga soldado ni Gideon ang 135,000 ka kaaway nila nga soldado?
LEKSION 35
Nangamuyo si Hana nga Hatagan Sia sing Bata nga Lalaki
Gindala ni Elkana sanday Hana, Penina, kag ang bilog nga pamilya sa tabernakulo sa Shilo para magsimba. Didto nangamuyo si Hana nga hatagan sia sing bata nga lalaki. Pagligad sang mga isa ka tuig, ginbun-ag niya si Samuel!
LEKSION 36
Ang Promisa ni Jefte
Ano ang ginpromisa ni Jefte, kag ngaa? Ano ang reaksion sang bata ni Jefte sa ginpromisa sang iya amay?
LEKSION 37
Nakighambal si Jehova kay Samuel
Ang duha ka bata nga lalaki sang Mataas nga Saserdote nga si Eli nagaalagad bilang mga saserdote sa tabernakulo, pero wala nila ginasunod ang mga kasuguan sang Dios. Pero indi pareho sa ila ang bata nga si Samuel, kag nakighambal si Jehova sa iya.
LEKSION 38
Ginhatagan ni Jehova sing Kusog si Samson
Ginhatagan sang Dios sing kusog si Samson para mabatuan ang mga Filistinhon, pero sang nakahimo sia sing sala nga desisyon, nadakpan sia sang mga Filistinhon.
