Lè Izrayelit yo te rive nan peyi Jewova te pwomèt yo a, se nan tabènak la yo te konn vin adore Jewova nan peyi a. Prèt yo te la pou anseye Lalwa e jij yo t ap gide nasyon an. Seksyon sa a pral montre gwo efè desizyon yon moun pran ak aksyon l fè ka gen sou lòt moun. Chak Izrayelit te dwe pran responsablite yo devan Jewova e devan lòt moun. Montre ki enfliyans Debora, Nawomi, Jozye, Ana, pitit fi Jefte a ak Samyèl te gen sou moun nan zòn kote yo t ap viv la. Montre ki jan menm moun ki pa t Izrayelit tankou Rahab, Rit, Jayèl ak moun Gabawon yo te deside kolabore ak Izrayelit yo paske yo te konnen Bondye te avèk yo.