Omambo wokomeho wOrupa 6
Ovaisrael tji va vaza mEhi Ekwizikwa, ondanda yomaturiro ondja rira oruveze rwawo rwomerikotameneno. Ovapristeri aave hongo ovandu Omatwako, nu ovapangure aave hongorere otjiwaṋa. Orupa ndwi maru raisa omuano ozondando novitjitwa vyovandu mu vi yenena okuṱuna tjinene ku varwe. Omuisrael auhe wa ri nomerizirira ku Jehova na kovakwao. Ṋunisa kutja otjikaro tjaDebora, Naomi, Josua, Hana, omusuko waJefta na Samuel tja ṱuna vi kovandu ongondoroka na wo. Raisa kutja ovandu nandarire mbe ha ri Ovaisrael tjimuna Rahab, Rut, Jael nOvagibeon va toorora okukara munda wOvaisrael orondu aave tjiwa kutja Mukuru wa ri puna wo.
MORUPA NDWI
EHONGWA 30
Rahab wa horeka ovakonḓonone vehi
Orumbo rwaJeriko rwa wira pehi. Posiya ondjuwo yaRahab ya kurama, nandarire kutja yari kotjikoro.
EHONGWA 31
Josua nOvagibeon
Josua wa kumba ku Mukuru na tja: “Yuva, kurama!” Mukuru we mu zuvira po?
EHONGWA 32
Omunane omupe novakazendu vevari omapenda
Josua tja za nokuṱa, Ovaisrael va uta okurikotamena kovisenginina. Ehupo ra rira ezeu, posiya ombatero yeya okupitira mOmupangure wena Barak, omuprofete omukazendu wena Debora na Jael!
EHONGWA 33
Rut na Naomi
Ovakazendu vevari mba zepaisa ovarumendu va yaruka koIsrael. Umwe wovakazendu wena Rut, wa kaungura mehi romakunino, ka kamunikwa i Boas.
EHONGWA 34
Gideon wa taara Ovamidian
Ovamidian tji va za nokueta ouzeu kOvaisrael, otjiwaṋa tje riheka ku Jehova kutja me tji vatere. Okambumba okaṱiṱi kovarwe vaGideon ka yenena vi okutaara ovanavita mba ri novarwe 135 000?
EHONGWA 35
Hana ma ningire omuatje omuzandu mongumbiro
Elkana wa twara Hana, Penina, novanatje ve kutja ve kerikotamene pOndanda yOmaturiro moSilo. Imbo Hana wa kumbira omuatje omuzandu. Kombunda yombura imwe, Samuel wa pandukwa!
EHONGWA 36
Omakwizikiro waJefta
Omakwizikiro yeṋe Jefta nga tjita nu omena ratjike? Omuatje waJefta omukazona wa tjita vi komakwizikiro waIhe?
EHONGWA 37
Jehova ma hungire kuna Samuel
Ovazandu vevari vOmupristeri Omunene Eli aave karere otjovapristeri pOndanda yOmaturiro, posiya owo kaave ṱakamisa omatwako waMukuru. Samuel wa pangukire ku wo nu Jehova wa hungire kuna ye.
EHONGWA 38
Jehova wa yandja omasa ku Simson
Mukuru wa yandja omasa omahimise kOmunasirei wena Simson okurwisa Ovafilisti, posiya indu Simson tja tjita ondando ombi, Ovafilisti ve mu kambura.
