Ihe A Na-aga Ịkọ ná Nkebi nke 6
Mgbe ndị Izrel mechara banye n’Ala Nkwa ahụ, ụlọikwuu ahụ bịara bụrụ ebe ha na-anọ efe Jehova ofufe dị ọcha. Ndị nchụàjà kụziiri ha Iwu Chineke, ndị ikpe ana-eduzi ha. Nkebi a gosiri otú mkpebi ndị anyị na-eme na àgwà anyị nwere ike isi bara ndị ọzọ uru ma ọ bụ kpatara ha nsogbu. Onye Izrel ọ bụla kwesịrị irubere Jehova isi, na-emekwara mmadụ ibe ya ihe ọma. Mee ka ọ ghọta otú Debora, Neomi, Jọshụa, Hana, ada Jefta na Samuel si baara ndị obodo ha uru. Meekwa ka ọ ghọta otú Rehab, Rut, Jeel, na ndị Gibiọn si kwado ndị Izrel n’ihi na ha ma na Chineke nọnyeere ha n’agbanyeghị na ha abụghị ndị Izrel.
NÁ NKEBI A
ISI NKE 29
Jehova Ahọrọ Jọshụa Ka O Duwezie Ndị Izrel
Chineke gwara Jọshụa ihe ndị ga-enyekwara anyị aka taa.
ISI NKE 30
Rehab Ezoo Ndị Bịara Ile Otú Jeriko Dị
Mgbidi Jeriko daruru ala. Ma, ụlọ Rehab adaghị n’agbanyeghị na arụkọtara ya na mgbidi ahụ.
ISI NKE 31
Jọshụa na Ndị Gibiọn
Jọshụa rịọrọ Chineke, sị: “Anyanwụ, guzoro otu ebe!” Chineke ọ̀ zara ya ekpere a?
ISI NKE 32
Onye Ndú Ọhụrụ na Ụmụ Nwaanyị Abụọ Katara Obi
Mgbe Jọshụa nwụchara, ndị Izrel malitere ife arụsị ma taa ezigbo ahụhụ. Jehova ji Berak Onyeikpe, Debora onye amụma nwaanyị na Jeel na ntu ya nyere ha aka.
ISI NKE 33
Rut na Neomi
Ụmụ nwaanyị abụọ di ha nwụrụ laghachiri Izrel. Otu n’ime ha aha ya bụ Rut, gara na-arụ ọrụ n’ubi Boaz, Boaz ahụ ya.
ISI NKE 34
Gidiọn E Merie Ndị Midian
Ndị Midian mesiri ndị Izrel ike, ndị Izrel rịọrọ Jehova ka o nyere ha aka. Olee otú ndị agha Gidion ole na ole ji merie ndị agha Midian dị ọtụtụ?
ISI NKE 35
Hana Ekpee Ekpere Ka Ọ Mụta Nwa
Elkana na-akpọrọ Hana, Peninna, na ụmụ ha aga efe Chineke na Shaịlo. Hana nọ ebe ahụ rịọ Chineke ka o nye ya nwa. Mgbe otu afọ gachara, ya amụọ Samuel.
ISI NKE 36
Jefta Ekwe Jehova Nkwa
Olee nkwa Jefta kwere Jehova, gịnị mere o ji kwe ya? Olee ihe ada Jefta mere mgbe ọ nụrụ banyere nkwa a nna ya kwere Jehova?
ISI NKE 37
Jehova Agwa Samuel Okwu
Ilaị, bụ́ nnukwu onye nchụàjà, nwere ụmụ abụọ na-eje ozi n’ụlọikwuu. Ha anaghị erubere Chineke isi. Ma, Samuel dị iche. Otu abalị, Jehova gwara ya okwu.
ISI NKE 38
Jehova Mere Ka Samsịn Sie Ike
Chineke mere ka Samsọn sie ike iji na-alụso ndị Filistia agha. Ma, mgbe o mere mkpebi na-adịghị mma, ndị Filistia jidere ya.