Introduksion iti Seksion 6
Idi nakadanonen dagiti Israelita iti Naikari a Daga, ti tabernakulo ti nagbalin a sentro ti pudno a panagdayaw. Dagiti padi ti nangisuro iti Linteg, ken dagiti ukom ti nangiwanwan iti nasion. Ipakita daytoy a seksion a mabalin a dakkel ti epektona iti sabsabali ti desision ken ar-aramiden ti maysa. Adda responsabilidad ti tunggal Israelita ken ni Jehova ken iti padana a tao. Iyunay-unaymo ti nasayaat nga ulidan nga impakita da Debora, Noemi, Josue, Anna, ti balasang ni Jefte, ken ni Samuel kadagiti kailianda. Ipaganetgetmo nga uray dagiti saan nga Israelita, a kas kada Rahab, Ruth, Jael, ken dagiti Gabaonita, ket nakikadua kadagiti Israelita gapu ta ammoda a tultulongan ida ti Dios.
ITI DAYTOY A SEKSION
LEKSION 29
Pinili ni Jehova ni Josue
Nangted ti Dios ken Josue iti instruksion a makatulong met ita kadatayo.
LEKSION 30
Inlemmeng ni Rahab Dagiti Espia
Narba dagiti pader ti Jerico. Ngem saan a nadadael ti balay ni Rahab uray no adda dayta iti pader.
LEKSION 31
Ni Josue ken Dagiti Gabaonita
Inkararag ni Josue iti Dios a saan koma nga aggaraw ti init. Sinungbatan ngata ti Dios?
LEKSION 32
Ti Baro a Lider ken ti Dua a Natured a Babbai
Idi natayen ni Josue, nagdaydayawen dagiti Israelita kadagiti imahen. Rimmigat ti biagda, ngem tinulongan ida ti Dios babaen ken Ukom Barak, ti propeta a ni Debora, ken ni Jael.
LEKSION 33
Da Ruth ken Noemi
Nagsubli ti dua a balo a babbai idiay Israel. Ni Ruth a maysa kadagiti babbai ket napan nagtrabaho iti talon. Nakita isuna ni Boaz sadiay.
LEKSION 34
Inabak ni Gideon Dagiti Midianita
Idi pinarigat dagiti Midianita ti Israel, nagpatulongda ken Jehova. Kasano nga inabak ni Gideon ken ti kakaduana ti 135,000 a kalabanda uray bassitda laeng?
LEKSION 35
Inkararag ni Anna a Maaddaan iti Anak a Lalaki
Intugot ni Elcana da Anna, Penina, ken ti pamiliana iti tabernakulo idiay Silo tapno agdaydayaw. Inkararag ni Anna a maaddaan iti anak. Kalpasan ti makatawen, inyanakna ni Samuel!
LEKSION 36
Ti Kari ni Jefte
Ania ti inkari ni Jefte, ken apay? Ania ti reaksion ti balasang ni Jefte iti kari ni amana?
LEKSION 37
Nakisarita ni Jehova ken Samuel
Nagserbi kas padi iti tabernakulo ti dua nga annak ti nangato a padi a ni Eli, ngem sinukirda dagiti linteg ti Dios. Naiduma ti ubing a ni Samuel. Nakisarita ni Jehova kenkuana.
LEKSION 38
Pinagbalin ni Jehova a Napigsa ni Samson
Pinagbalin ti Dios a napigsa ni Samson tapno maabakna dagiti Filisteo, ngem idi kamali ti nagbalin a desisionna, tiniliw dagiti Filisteo.