Maelesyo ma Kĩlungu kya 6
Yĩla Aisilaeli mesie kũvika Nthĩ ya Watho, mamũthaithĩaa Yeova yĩla ĩeemanĩ. Athembi nĩmamanyĩasya andũ ma Isilaeli Mĩao, namo asili maimatongoesya. Kĩlungu kĩĩ kĩonanyʼa ũndũ motwi kana meko ma mũndũ makonetye andũ ala angĩ. Kĩla Mũisilaeli aaĩle kũsũvĩa ngwatanĩo yake na Yeova na ya Aisilaeli ala angĩ. Weta ũndũ Ndevola, Naomi, Yosua, Aana, mwĩĩtu wa Yevitha, na Samueli matetheeisye Aisilaeli na ũndũ maĩ ngelekanyʼo nzeo. Kindĩlĩĩla kana o na andũ amwe mataĩ Aisilaeli ta Laavi, Luthi, Yaeli, na andũ ma Ngiveoni, nĩmanyuvie kwĩthĩwa ngalĩ ya Aisilaeli nũndũ nĩmeesĩ kana Ngai e vamwe na Aisilaeli.
KĨLUNGUNĨ KĨĨ
ĨSOMO YA 29
Yeova Nĩwamũnyuvie Yosua
Ngai nĩwanengie Yosua motao matonya kũtũtethya o naitũ ũmũnthĩ.
ĨSOMO YA 30
Laavi Nĩwavithie Ala Athiani
Ngũta sya Yeliko nĩsyavalũkile. Ĩndĩ nyũmba ya Laavi ndyaavalũka, o na kau yaakĩtwe ũkũtanĩ o ũsu.
ĨSOMO YA 31
Yosua na Andũ ma Ngiveoni
Yosua avoyie Ngai asya: “Syũa, ũngama ki!” We Ngai nĩwasũngĩie mboya ya Yosua?
ĨSOMO YA 32
Mũtongoi Mweũ na Aka Elĩ Ngũmbaũ
Yĩla Yosua wakwie Aisilaeli nĩmambĩĩie kũthaitha ngai sya mĩvwʼanano. Nĩmakwatiwe nĩ mathĩna maingĩ ĩndĩ matetheewʼa nĩ Mũsili weetawa Mbalaka, mwathani mũndũ mũka weetawa Ndevola, na Yaeli aitũmĩa kyambo kya ĩeema.
ĨSOMO YA 33
Luthi na Naomi
Aka elĩ ala makwʼĩĩiwe nĩ ala mamatwaĩte nĩmasyokie Isilaeli. Mũndũ mũka ũmwe weetawa Luthi, nĩwaendie kũthũkũma mũũndanĩ, vala woonekeie nĩ Mboasi.
ĨSOMO YA 34
Ngiteoni Nĩwasindie Amitiani
Amitiani nĩmathĩnisye Aisilaeli mũno, na kwoou Aisilaeli mamwĩsũva Yeova amatetheesye. O na kau Asikalĩ ma Ngiteoni maĩ anini, nĩkĩ masindie asikalĩ ala maĩ amaitha moo me 135,000?
ĨSOMO YA 35
Aana Nĩwavoyie Akwate Kana Kavĩsĩ
Elikana nĩwatwaie Aana, Venina, na syana ĩeemanĩ yĩla yaĩ Silo nĩ kana makathaithe. Aana e kũu nĩwavoyie nĩ kana akwate kana ka kavĩsĩ. Mwaka ũmwe ũte mũthelu, Samueli nĩwasyaiwe!
ĨSOMO YA 36
Kĩla Yevitha Wamwathie Yeova
Yevitha amwathie Yeova kyaũ, na nĩkĩ? Mwĩĩtu wa Yevitha eekie ata amanya kĩla ĩthe wamwathĩte Yeova?
ĨSOMO YA 37
Yeova Nĩwaneenie na Samueli
Anake elĩ ma Mũthembi Mũnene weetawa Eli maĩ athembi ĩeemanĩ, ĩndĩ mayaatĩĩaa mĩao ya Ngai. O na kau Samueli aĩ mũnini aĩ kĩvathũkanyʼo namo. Mũthenya ũmwe ũtukũ Yeova nĩwaneenie na Samueli
ĨSOMO YA 38
Yeova Nĩwamũnengie Samusoni Vinya
Ngai nĩwanengie Samusoni vinya nĩ kana okite Avilisiti, ĩndĩ yĩla Samusoni weekie ũtwi mũthũku, Avilisiti nĩmamũkwatie na mamwova.
