Bangogo ya Luyantiku ya Kitini 6
Nsuka-nsuka, ntangu bantu ya Izraele kumaka na Ntoto ya Lusilu, nzo-tenta kumaka kisika ya nene ya lusambu ya kieleka kuna. Banganga-nzambi vandaka kulonga Nsiku, mpi bazuzi vandaka kutwadisa dikanda yina. Kitini yai ke monisa bupusi ya nene yina badesizio ya muntu mosi mpi mambu ya yandi ke sala lenda ti yo na bantu ya nkaka. Konso muntu ya Izraele vandaka ti mukumba na ntwala ya Yehowa mpi ya bampangi na yandi. Monisa bupusi yina Debora, Naomi, Yozue, Ana, mwana-nkento ya Yefte, mpi Samuele vandaka ti yo na bantu ya bwala na bo. Benda dikebi nde ata bantu yina vandaka ve bantu ya Izraele, mu mbandu Rahabi, Ruti, Yaele, mpi bantu ya Gibeoni, bakaka lukanu ya kuvukana ti bantu ya Izraele sambu bo zabaka nde Nzambi vandaka ti bo.
NA KITINI YAI
Yehowa Me Pona Yozue
Nzambi pesaka Yozue bantuma yina lenda sadisa beto bubu.
Rahabi Me Bumba Mineki
Bibaka ya Yeriko me bwa. Kansi nzo ya Rahabi bwaka ve, ata bo tungaka yo na kibaka ya mbanza.
Yozue mpi Bantu ya Gibeoni
Yozue sambaka Nzambi nde: “Ntangu, telama!” Keti Nzambi pesaka mvutu?
Mfumu ya Mpa mpi Bankento Zole ya Kikesa
Ntangu Yozue fwaka, bantu ya Izraele yantikaka kusambila biteki. Luzingu kumaka mpasi, kansi lusadisu katukaka na Zuzi Baraki, mbikudi ya nkento Debora, mpi Yaele ti pike na yandi ya tenta!
Ruti ti Naomi
Bankento zole yina babakala na bo fwaka vutukaka na Izraele. Nkento mosi, Ruti, kwendaka kusala na bilanga, mpi kuna Boazi monaka yandi.
Gideoni Nungaka Bantu ya Madiani
Ntangu bantu ya Madiani kumisaka luzingu ya bantu ya Izraele mpasi, bantu bondilaka Yehowa sambu yandi sadisa bo. Inki mutindu ka kimvuka ya basoda ya Gideoni nungaka basoda ya bambeni 135 000?
Ana Ke Samba Sambu na Kulomba Mwana
Elkana ke nata Ana ti Penina mpi dibuta ya mvimba sambu na kusamba na nzo-tenta na Shilo. Kuna, Ana ke samba sambu na kulomba mwana. Mvula mosi na nima, yandi butaka Samuele!
Lusilu ya Yefte
Yefte salaka nki lusilu, mpi sambu na nki? Inki mwana ya Yefte salaka ntangu yandi waka lusilu ya papa na yandi?
Yehowa Solulaka ti Samuele
Bana zole ya nganga-nzambi ya nene Eli vandaka banganga-nzambi na nzo-tenta, kansi bo vandaka kulemfuka ve na bansiku ya Nzambi. Leke Samuele vandaka ya kuswaswana mpi Yehowa solulaka ti yandi.
Yehowa Kumisaka Samsoni Ngolo
Nzambi kumisaka Samsoni ngolo sambu yandi nwana ti bantu ya Filistia, kansi ntangu Samsoni bakaka lukanu ya mbi, bantu ya Filistia kangaka yandi.