Ũhoro wa Kwambĩrĩria wa Gĩcigo gĩa 6
Rĩrĩa Aisiraeli maakinyire Bũrũri wa Kĩĩranĩro, hema ya gũtũnganwo nĩyo yatuĩkire handũ ha mwanya ha kũhoyagĩra. Athĩnjĩri-Ngai nĩo maarutanaga Watho, nao atiirĩrĩri bũrũri nĩo maatongoragia rũrĩrĩ rwa Isiraeli. Gĩcigo gĩkĩ gĩtaarĩirie ũrĩa ciĩko na matua ma mũndũ mangĩhutia arĩa angĩ na njĩra nene. Gũtirĩ Mũisiraeli ũtaarĩ na itemi aahingagia harĩ Jehova na harĩ andũ arĩa angĩ. Taarĩria ũrĩa ciĩko cia Debora, Naomi, Joshua, Hana, mũirĩtu wa Jefitha, na Samueli ciahutagia andũ arĩa angĩ. Tĩtĩrithia atĩ o na andũ amwe mataarĩ Aisiraeli ta Rahabu, Ruthu, Jaeli na Agibeoni nĩ maatuire itua rĩa kũnyitanĩra na Aisiraeli tondũ nĩ maamenyaga Ngai aarĩ hamwe na Aisiraeli.
GĨCHUNJĨ-INĨ GĨKĨ
Jehova Gũthuura Joshua
Ngai nĩ aaheire Joshua mawatho marĩa o na ithuĩ mangĩtũteithia matukũ-inĩ maya.
Rahabu Kũhitha Andũ Mathiĩte Gũtuĩria
Thingo cia Jeriko nĩ ciamomokire. No nyũmba ya Rahabu ndĩamomokire o na gũtuĩka yarĩ rũthingo-inĩ.
Mũtongoria Mwerũ na Atumia Erĩ Mataarĩ na Guoya
Thutha wa Joshua gũkua, Aisiraeli maambĩrĩirie kũhoya mĩhianano. Ũtũũro nĩ wamaritũhĩire no makĩgĩa na ũteithio kũgerera harĩ Baraka, mũnabii Debora, na Jaeli akĩhũthĩra higĩ ya hema!
Joshua na Agibeoni
Joshua nĩ aahoire Ngai ũũ: “Wee riũa, rũgama o ro ũguo!” Hihi Ngai nĩ acokirie ihoya rĩu?
Ruthu na Naomi
Atumia erĩ arĩa athuri ao maakuĩte nĩ maacokire Isiraeli. Ũmwe wao wetagwo, Ruthu, nĩ aathire kũruta wĩra mũgũnda-inĩ kũrĩa onirũo nĩ Boazu.
Gideoni Gũtooria Amidiani
Thutha wa Aisiraeli gũũkĩrĩrũo nĩ Amidiani, nĩ maahoire Jehova amahe ũteithio. Thigari cia Gideoni ciahotire atĩa gũtooria thigari 135,000 cia thũ ciao?
Hana kũhoya aheo kahĩĩ
Elikana nĩ aatwarire Hana, Penina, na famĩlĩ yake makahoe hekarũ-inĩ Shilo. Marĩ kũu, Hana nĩ aahoire aheo kahĩĩ. Mwaka ũmwe thutha ũcio nĩ agĩire Samueli!
Mwĩhĩtwa wa Jefitha
Jefitha eehĩtire mwĩhĩtwa ũrĩkũ, na eekire ũguo nĩkĩ? Mũirĩtu wa Jefitha eekire atĩa aigua mwĩhĩtwa wa ithe?
Samueli Kwarĩrio nĩ Jehova
Ciana igĩrĩ cia Mũthĩnjĩri-Ngai-Mũnene Eli ciatungataga irĩ athĩnjĩri-Ngai hekarũ-inĩ, no itiathĩkagĩra mawatho ma Jehova. Samueli aarĩ ngũrani nao na Jehova nĩ aaririe nake.
Jehova Kũhe Samusoni Hinya
Ngai nĩ aaheire Samusoni hinya mũingĩ nĩguo arũe na Afilisti, no rĩrĩa aatuire matua moru, nĩ aanyitirũo.