សេចក្ដីផ្ដើមផ្នែកទី៦

លេង

បន្ទាប់ពីជនជាតិអ៊ីស្រាអែលមកដល់ស្រុកដែលព្រះបានសន្យា ត្រសាលជំនុំបានទៅជាមជ្ឈមណ្ឌលនៃការគោរពប្រណិប័តន៍ពិត។ ពួកសង្ឃបង្រៀនបណ្ដាជនអំពីច្បាប់ ហើយអ្នកសម្រេចក្ដីជួយណែនាំបណ្ដាជន។ ពេលអ្នកអានផ្នែកនេះ អ្នកនឹងឃើញថាការសម្រេចចិត្ត និងការប្រព្រឹត្តរបស់មនុស្សណាម្នាក់ អាចមានឥទ្ធិពលយ៉ាងខ្លាំងទៅលើអ្នកឯទៀត។ ជនជាតិអ៊ីស្រាអែលម្នាក់ៗ ត្រូវទទួលខុសត្រូវចំពោះព្រះយេហូវ៉ា និងបងប្អូនរួមជំនឿ។ សូមកត់សម្គាល់ដែរ អំពីគំរូល្អរបស់ដេបូរ៉ា ណាអូមី យ៉ូស្វេ ហាណា កូនស្រីយែបថា និងសាំយូអែល។ អ្នកក៏នឹងរៀនអំពីជនជាតិដទៃដូចជា រ៉ាហាប រូថ យ៉ាអែល និងពួកគីបៀន ដែលបានសម្រេចចិត្តចូលរួមជាមួយជនជាតិអ៊ីស្រាអែល ដោយសារពួកគេដឹងថា ព្រះពិតនៅជាមួយនឹងជនជាតិនេះ។

គោលសំខាន់ក្នុងមេរៀន

ព្រះយេហូវ៉ាបានប្រើអ្នកសម្រេចក្ដី ដើម្បីសង្គ្រោះរាស្ត្ររបស់លោកតាមរបៀបដ៏អស្ចារ្យ
ព្រះយេហូវ៉ាបានឲ្យពរដល់អស់អ្នកដែលស្មោះត្រង់ និងទុកចិត្តលោកទាំងស្រុង មិនថាពួកគេចាស់ឬក្មេងទេ
ព្រះមិនរើសមុខឡើយ លោកពេញចិត្តទទួលយកមនុស្សពីគ្រប់ជាតិសាសន៍ និងគ្រប់មជ្ឈដ្ឋាន ឲ្យតែពួកគេស្រឡាញ់លោក ហើយធ្វើអ្វីដែលត្រឹមត្រូវ