Smɔl Tin bɔt Sɛkshɔn 6
We di Izrɛlayt dɛn rich na di Prɔmis Land, na di tabanakul na bin di ples fɔ tru wɔship. Di prist dɛn bin de tich di pipul dɛn di Lɔ, ɛn di jɔj dɛn bin de gayd di pipul dɛn. Dis sɛkshɔn de tɔk bɔt aw wetin pɔsin disayd fɔ du ɛn di tin dɛn we i de du kin afɛkt ɔda pipul dɛn. Ɛni wan pan di Izrɛlayt dɛn bin nid fɔ wɔship Jiova ɛn ɛp dɛn kɔmpin dɛn. Tɔk bɔt aw di tin dɛn we Dɛbora, Naomi, Jɔshwa, Ana, Jɛfta in galpikin, ɛn Samiɛl bin du afɛkt di wan dɛn we bin de arawnd dɛn. Tɔk mɔ bɔt aw sɔm pipul dɛn we nɔto bin Izrɛlayt dɛn, lɛk Reab, Rut, Jeɛl, ɛn di Gibyɔnayt dɛn bin disayd fɔ de wit di Izrɛlayt dɛn bikɔs dɛn bin no se Gɔd de wit dɛn.
INSAY DIS SƐKSHƆN
LƐSIN 30
Reab Ayd di Man dɛn We Go Luk Aw Jɛriko Tan
Di wɔl dɛn na Jɛriko de fɔdɔm. Bɔt Reab in os nɔ bin brok, pan ɔl we na di wɔl dɛn bil am.
LƐSIN 31
Jɔshwa ɛn di Gibyɔnayt Dɛn
Jɔshwa bin pre to Gɔd se: “San, tinap wanples!” Gɔd bin ansa in prea?
LƐSIN 32
Wan Nyu Lida ɛn Tu Uman dɛn We Gɛt Maynd
Afta we Jɔshwa bin day, di Izrɛlayt dɛn bin bigin fɔ wɔship lay lay Gɔd dɛn. Layf bin rili tranga fɔ dɛn, bɔt Jiova bin ɛp dɛn bay we i yuz Berak we na jɔj, Dɛbora we na uman prɔfɛt, ɛn Jeɛl wit in shap ayen we dɛn kin yuz fɔ fiks tɛnt na grɔn!
LƐSIN 33
Rut ɛn Naomi
Tu uman dɛn we dɛn man dɛn bin dɔn day go bak na Izrɛl. Wan pan di uman dɛn, we nem Rut, bin go wok na fam ɛn Boaz bin si am.
LƐSIN 34
Gidyɔn Win di Midianayt Dɛn
Afta di Midianayt dɛn mek di Izrɛlayt dɛn rili sɔfa, di Izrɛlayt dɛn beg Jiova fɔ ɛp dɛn. Aw di smɔl sojaman dɛn we Gidyɔn gɛt win 135,000 Midianayt sojaman dɛn?
LƐSIN 35
Ana Pre fɔ Bɔn Bɔypikin
Ɛlkena tek Ana, Pɛnina, ɛn di pikin dɛn fɔ go wɔship na di tabanakul na Shaylɔ. Na de Ana bin pre fɔ bɔn bɔypikin. Wan ia afta dat, Ana bin bɔn Samiɛl!
LƐSIN 36
Jɛfta in Prɔmis
Us prɔmis Jɛfta mek? Wetin mek i mek da prɔmis de? Wetin Jɛfta in galpikin du we i yɛri in papa in prɔmis?
LƐSIN 37
Jiova Tɔk to Samiɛl
Ay Prist Ilay in tu bɔypikin dɛn na bin prist dɛn na di tabanakul, bɔt dɛn nɔ bin de obe Gɔd in lɔ dɛn. Yɔŋ Samiɛl bin difrɛn, ɛn Jiova tɔk to am.
LƐSIN 38
Jiova Gi Samsin Trɛnk
Gɔd gi Samsin trɛnk fɔ fɛt di Filistin dɛn, bɔt we Samsin disayd fɔ du di rɔng tin, di Filistin dɛn kapchɔ am.
