A Buŋgɛi 6 Okɔɔ
O mɛɛlulaŋ kpɔŋ, mɛɛ Isɔluɛiya fuuluu o Lɛŋnde Mɛlɛka Dimi le Nda Kioo Leŋ niŋ, tɛndii Mɛlɛkaa wa niŋ fondaa le piɛile tonyaleŋ ni. Wanaa soliaa lasalaa ndaa pɛɛku waŋnda sawala Mɛlɛkalaŋ ni, nduyɛ mi wanaa kialaa ŋyamaa ndaa dimi waŋnda sɔɔŋ tɛɛŋ. Buŋgɛi hei cho naa chɔm mɛɛ kpɛ kɛɛsiaala waŋndo, a kaala ndɔlaŋ la piiliaŋ wanaa cheleŋnda yɛ. Isɔluɛinɔ kɛ kɛ ndoo nɔ nyɛ ndoo tosa le Chɛhowa, vɛlɛ a chaaŋ ndɔ wanachioo wo. Buŋgɛi hei chɔm vɛlɛ mɛɛ kaa Diboolua wo, Nawomi, Chɔɔsuaa, Hana, chua Chɛfita wo, a Saamiɛɛ piiliaŋ acheleŋnda yɛ. I chɔm vɛlɛ mɛɛ Luehabi, Lutu, Chayɛɛ, a Kibiɔnaitiiya kɛɛsiaa le waa a Isɔluɛiya latulu yɛ. Waŋnda haa ve o kaale Isɔluɛileŋ choo le, kɛ ma sina maa Mɛlɛka cho a Isɔluɛiya latulu.
O BUŊGƐI HEI NIŊ
SUƐI LEBOLII 29
Chɛhowa Hɛli Chɔɔsuaa
Mi Mɛlɛka ke Chɔɔsuaa nɛila chɔmaalaŋ, nduyɛ naa bɛɛ la nɔla mi la mala naa hau.
SUƐI LEBOLII 30
Luehabi Veŋ Puaa Suaŋ Suaŋnda
Kpakioo Chɛluiko koombiaa. Kɛ chiɛi Luehabi wo komba le, mi che bɛɛ o wa o hol naŋ o kpaki chioo.
SUƐI LEBOLII 31
Chɔɔsuaa nda Kibiɔnaitiiya
Mi Chɔɔsuaa piɛi o Mɛlɛka lo aa: “Tosa mi paaleŋ le sim yi!” Baa mi Mɛlɛka ndoo tuɛi piɛile ndɔleŋ?
SUƐI LEBOLII 32
Simlachinɔ Sɛnɛiyo a Waŋ Laanduaa Kɔl Simulaa a Ŋiɔɔŋ
Mɛɛ Chɔɔsuaa vi, mi Isɔluɛiya kandu piɔmnda sooluuwo. Yoomoo wa o kala le nda. Kɛ ma sɔla malaa wana kialaa ŋyamaa Baluaki o ba, Diboolua wana lanɔ ndoo suaa le Mɛlɛka wo, vɛlɛ a Chayɛɛ a chiliŋii nduɛi!
SUƐI LEBOLII 33
Lutu nda Nawomi
Waŋ laanduaa ŋiɔɔŋaa piaandaa ndaa vi wa miiŋgu Isɔluɛi. Waŋ laanduaa haa opilɛ wa Lutu ni. Mɛɛ o kuɛ wallo tosaa o chiɛi Bowaa ve niŋ, mi Bowaa cha ndu.
SUƐI LEBOLII 34
Kidiɔŋ Tiu Midianatiiya Ba
Mɛɛ Midianatiiya wa Isɔluɛiya nyɛpalaa tusioo choo, ma nyɔɔlu Chɛhowa le mbo mala nda. Puaa chɔuwaa Kidiɔŋ nda ve a bɔɔ le. Kɛ vɛɛ nda looku yɛ puaa chɔuwa 135,000 yomɔɔ?
SUƐI LEBOLII 35
Hana Piɛi le Mbo Velu Poo
Mi Ɛlikana ndoo kuɛ a Hana, Pɛninaa, vɛlɛ a yuŋgu ndɔɔ kpou o tɛndii Mɛlɛkaa Silɔɔ le Mɛlɛka piɛiyo. Loŋ Hana piɛi Mɛlɛka ni le mbo velu poo. Wɔsioo pilɛ okoŋ kɔɔli, mbo vialu Saamiɛɛ!
SUƐI LEBOLII 36
Buŋgɛi Chɛfita Chua Ve
Buŋgɛi yɛɛ Chɛfita ndoo chua yɛ, nduyɛ le yɛɛ? Yɛɛ chua Chɛfita wo ndoo tosa yɛ a buŋgɛi finya ndɔ chua ve?
SUƐI LEBOLII 37
Chɛhowa Soo Naa Saamiɛɛ Chua
Masa Wanaa Soliaa Lasalaa Ila ndoo nɔ puaa a ŋiɔɔŋ, nduyɛ wanaa soliaa lasalaa nda wa o tɛndii Mɛlɛkaa ni. Kɛ a ve sawala Mɛlɛkalaŋ diikɔŋ te. Saamiɛɛ wa feleŋgɔnɔ nduyɛ o wa teŋgeŋ. Ichɔl pilɛ, mi Chɛhowa suaa o ndu lo.
SUƐI LEBOLII 38
Chɛhowa Ke Samsiŋ Kpaayaa
Mi Mɛlɛka ke Samsiŋ kpaayaa le Filitiaŋnda chɔulabaa. Kɛ mɛɛ Samsiŋ tosa kɛɛsiaa wɔɔŋndo, mi Filitiaŋnda bii ndu.