တၢ်ကတိၤအိးထီၣ် အတၢ်နီၤဖး ၆
ဖဲပှၤအံၣ်စရ့လးဖိတဖၣ် လဲၤတုၤလၢ ကီၢ်တၢ်စံးပာ်အခါ ဒဲစီဆှံန့ၣ်ကဲထီၣ် အဝဲသ့ၣ် အတၢ်ဘူၣ်တၢ်ဘါအလီၢ်လီၤ. ပှၤလုၢ်တၢ်အဒိၣ်တဖၣ် သိၣ်လိဝဲစီၤမိၤၡ့အတၢ်သိၣ်တၢ်သီ ဒီးပှၤစံၣ်ညီၣ်ကွီၢ်တဖၣ်န့ၣ် ဟံးစုနဲၣ်ကျဲဝဲ ကစၢ်ယွၤအပှၤဂီၢ်မုၢ်လီၤ. တၢ်နီၤဖးတခါအံၤ ကပာ်ဖျါထီၣ်န့ၢ်ပှၤလၢ ပတၢ်ဆၢတဲာ် ဒီးတၢ်လၢပမၤသ့ၣ်တဖၣ်န့ၣ် မၤဘၣ်ဒိပှၤဂၤသ့ဝဲလီၤ. ပှၤအံၣ်စရ့လးဖိတဂၤစုာ်စုာ် အိၣ်ဒီးမူဒါလၢ ကတီဒီးယဟိဝၤယွၤ ဒီးလၢယွၤအပှၤဂီၢ်မုၢ်အဖီခိၣ်လီၤ. တဲဖျါထီၣ်ဝဲလၢ နီၢ်ဒဘိရၤ, နီၢ်နၤဧမံ, စီၤယိၤၡူ, နီၢ်ဃးနၤ, စီၤယံးဖသၤအဖိမုၣ် ဒီးစီၤၡမူၤအ့လး အဒိဂ့ၤတဲာ်ဘၣ်န့ၣ် ကဲဘျုးဝဲလၢ ယွၤအပှၤဂီၢ်မုၢ်အဂီၢ်ဒ်လဲၣ်န့ၣ်တက့ၢ်. တကးဒံးဘၣ် နကဘၣ်တဲဖျါထီၣ်စ့ၢ်ကီးလၢ ပှၤတနီၤလၢအတမ့ၢ် ပှၤအံၣ်စရ့လးဖိ ဒ်သိးဒီး နီၢ်ရၤဃး, နီၢ်ရူၤသး, နီၢ်ယဧ့လး ဒီးပှၤကံးဘိၣ်ဖိတဖၣ် သ့ၣ်ညါဝဲလၢယဟိဝၤယွၤအိၣ်ဒီး ပှၤအံၣ်စရ့လးဖိအဃိ အဝဲသ့ၣ်ဃုထၢဝဲလၢ ကအိၣ်လၢပှၤအံၣ်စရ့လးဖိအအိၣ်တခီလီၤ.
တၢ်ဂ့ၢ်လၢလာ်တဖၣ်
တၢ်မၤလိ ၂၉
ယဟိဝၤယွၤဃုထၢထီၣ်စီၤယိၤၡူ
ကစၢ်ယွၤဟ့ၣ်လီၤဝဲ စီၤယိၤၡူလၢတၢ်ဟ့ၣ်ကူၣ်န့ၣ် ကဲဘျုးလၢမုၢ်မဆါတနံၤအံၤစ့ၢ်ကီးလီၤ.
တၢ်မၤလိ ၃၀
နီၢ်ရၤဃးပာ်ခူသူၣ် ပှၤကွၢ်ဟုၣ်တၢ်ဖိခံဂၤ
ယရံၤဃိအဝ့ၢ်ခိၣ်ဒူလီၤပှီၢ်. ဘၣ်ဆၣ် နီၢ်ရၤဃးအဟံၣ်တလီၤပှီၢ်ဘၣ်.
တၢ်မၤလိ ၃၁
စီၤယိၤၡူဒီးပှၤကံးဘိၣ်ဖိတဖၣ်
စီၤယိၤၡူ ဃ့ဘါထုကဖၣ်တၢ်ဆူ ကစၢ်ယွၤအအိၣ်လၢ– “မုၢ်, အိၣ်ကတီၢ်တက့ၢ်.” မ့ၢ်ကစၢ်ယွၤ စံးဆၢအတၢ်ထုကဖၣ်ဧါ.
တၢ်မၤလိ ၃၂
ခိၣ်နၢ်လၢအသီတဂၤ ဒီးပိာ်မုၣ်လၢအသးဒူခံဂၤ
ဖဲစီၤယိၤၡူသံဝံၤအလီၢ်ခံန့ၣ် ပှၤအံၣ်စရ့လးဖိသ့ၣ်တဖၣ် စးထီၣ်ဘူၣ်ထီၣ်ဘါထီၣ်ဝဲ တၢ်ဂီၤတၢ်ဖှီၣ်တဖၣ်လီၤ. ပှၤအံၣ်စရ့လးဖိတဖၣ် ဘၣ်ကီဘၣ်ခဲဒီး အဝဲသ့ၣ်ဒိးန့ၢ်ဘၣ်တၢ်မၤစၢၤလၢ စံၣ်ညီၣ်ကွၢ်စီၤဘါရး, နီၢ်ဒဘိရၤ ဒီးလၢနီၢ်ယဧ့လးအအိၣ်လီၤ.
တၢ်မၤလိ ၃၃
နီၢ်ရူၤသးဒီးနီၢ်နၤဧမံ
ပိာ်မုၣ်ခံဂၤလၢအဝၤသံန့ၣ် အဝဲသ့ၣ်က့ၤကဒါက့ၤဆူ အံၣ်စရ့လးကီၢ်လီၤ. နီၢ်ရူၤသးန့ၣ် လဲၤမၤတၢ်မၤလၢစံာ်ပျီပူၤ ဒီးစီၤဘိၤဧး ပာ်သူၣ်ပာ်သးအီၤလီၤ.
တၢ်မၤလိ ၃၄
စီၤကံးဒဧိၣ်ဒုးနၢၤဝဲ ပှၤမံးဒယၣ်ဖိတဖၣ်
ဖဲပှၤမံးဒယၣ်ဖိတဖၣ် မၤကီမၤခဲပှၤအံၣ်စရ့လးဖိတဖၣ်အခါ အဝဲသ့ၣ်ဃ့တၢ်မၤစၢၤလၢ ယဟိဝၤယွၤ ကမၤစၢၤအဝဲသ့ၣ်လီၤ. စီၤကံးဒဧိၣ်ဒီးအပှၤစှၤကိးဂၤန့ၣ် မၤနၢၤဝဲအဒုၣ်အဒါအဂၤ ၁၃၅,၀၀၀ ဘျဲၣ်လၢကျဲဒ်လဲၣ်.
တၢ်မၤလိ ၃၅
နီၢ်ဃးနၤဃ့ဘါထုကဖၣ်လၢ ကဒိးန့ၢ်ဘၣ်အဖိခွါတဂၤ
စီၤအ့လကါနၤ လဲၤကိးနီၢ်ဃးနၤ, နီၢ်ပနံးနၤ, ဒီးအဖိတဖၣ်လၢ ဒဲစီဆှံလၢဝ့ၢ်ၡံလိၤအပူၤ ဒ်သိးကဘူၣ်ထီၣ်ဘါထီၣ်တၢ်အဂီၢ်လီၤ. ဖဲန့ၣ်န့ၣ် နီၢ်ဃးနၤဃ့ထုကဖၣ်ဝဲလၢ ကဒိးန့ၢ်ဘၣ်ဖိခွါတဂၤလီၤ. လၢခံတနံၣ်န့ၣ် စီၤၡမူၤအ့လးအိၣ်ဖျဲၣ်ထီၣ်ဝဲလီၤ.
တၢ်မၤလိ ၃၆
စီၤယံးဖသၤ အတၢ်အၢၣ်လီၤအီလီၤ
စီၤယံးဖသၤ မၤဝဲတၢ်အၢၣ်လီၤအီလီၤမနုၤလဲၣ်, ဘၣ်မနုၤအဃိလဲၣ်. စီၤယံးဖသၤအဖိမုၣ် မၤထွဲဝဲအပၢ်အတၢ်အၢၣ်လီၤအီလီၤဒ်လဲၣ်.
တၢ်မၤလိ ၃၇
ယဟိဝၤယွၤတဲတၢ်ဒီး စီၤၡမူၤအ့လး
ပှၤလုၢ်တၢ်ခိၣ်စီၤဧ့လံၤ အဖိခွါခံဂၤန့ၣ်မၤတၢ်ဒ် ပှၤလုၢ်တၢ်ဒိၣ်လၢ ဒဲစီဆှံအပူၤ, ဘၣ်ဆၣ် အဝဲသ့ၣ်တဒိကနၣ် ကစၢ်ယွၤအတၢ်သိၣ်တၢ်သီဘၣ်. မ့မ့ၢ်စီၤၡမူၤအ့လးန့ၣ် လီၤဆီဒီးအဝဲသ့ၣ်လီၤ.
တၢ်မၤလိ ၃၈
ယဟိဝၤယွၤဒုးဆူၣ်ထီၣ် စီၤၡံၣ်ၡိၣ်အဂံၢ်အဘါ
ကစၢ်ယွၤဟ့ၣ်လီၤ စီၤၡံၣ်ၡိၣ်လၢတၢ်ဂံၢ်တၢ်ဘါ ဒ်သိးအဝဲကဒုးတၢ်ဒီး ပှၤဖလ့ၡသးဖိတဖၣ်လီၤ, ဘၣ်ဆၣ် ဖဲစီၤၡံၣ်ၡိၣ်ဆၢတဲာ်တၢ်လၢ အကမၣ်အခါ, ပှၤဖလ့ၡသးဖိတဖၣ် ဖီၣ်န့ၢ်အီၤလီၤ.
